మెగాస్టార్ చిరంజీవి తమిళంలోని వినోదం సిత్తమే చిత్రం చూశాక బ్రో పేరుతో తెలుగులో రీమేక్‌ చేయాలని దర్శకుడు సముద్రఖని అనుకున్నాక ఆయన కొన్ని మార్పులు చేశారు. ఇక పవన్‌కళ్యాణ్‌ టైం దేవుడుగా నటించగా మార్కండేయ పాత్రను సాయితేజ్‌ నటించాడు. మొదట ఆ పేరు చిరంజీవి అని పెట్టాలనుకున్నారు. కానీ ఫైనల్‌గా మార్కండేయగా పెట్టమని చిరంజీవే డిసైడ్‌ చేశాడు. అయితే ఈ సినిమా విడుదలయ్యాక డివైడ్‌ టాక్‌ రావడంతో యూత్‌కు పెద్దగా ఆకట్టుకోలేదని తెలుస్తోంది. అందుకే సాయితేజ అండ్‌ టీమ్‌తో ప్రచారాన్ని ఊరుఊరా చేస్తున్నారు. ఇదిలా వుండగా, బ్రో పేరుతో మరో సినిమాను మెగాస్టార్ చిరంజీవి చేయనున్నాడని తెలుస్తోంది.
మలయాళంలో బ్రోడాడీ పేరుతో వున్న సినిమాను చిరంజీవి రీమేక్‌ చేయనున్నాడని సమాచారం. ఇప్పటికే ఆయన చేస్తున్న సినిమాలన్నీ రీమేక్‌లే. అయితే ఇందులో కొద్దిగా మార్పులు చేసి తీయనున్నారని ఫిలింనగర్‌ కథనాలు వినిపిస్తున్నాయి. ఒరిజినల్‌ వర్షన్‌లో ఇద్దరు హీరోలు. వారు తండ్రీ కొడుకులుగా నటించారు. కానీ చిరంజీవి సూచన మేరకు అన్నదమ్ములుగా మార్చాలని అనుకున్నట్లు తెలుస్తోంది. ఇందుకోసం ప్రీపొడక్షన్‌ పనులు జరుగుతున్నాయి. త్వరలో దీనిపై పూర్తి సమాచారం రానుంది.
