మెగా ఫ్యామిలీ నుంచి మరో హీరో... ఇప్పటికే అరడజను మంది...
మెగా ఫ్యామిలీ నుంచి మరో హీరో పరిచయం కానున్నాడు. ఇప్పటికే అర జను మందితో మెగా ఫ్యామిలీ వెండితెరను ఆక్రమించేశారు. తాజాగా మరో హీరో తెలుగు చిత్ర పరిశ్రమలో అడుగుపెట్టనున్నాడు. అతని పేరు వైష్ణవ్ తేజ్.
మెగా ఫ్యామిలీ నుంచి మరో హీరో పరిచయం కానున్నాడు. ఇప్పటికే అర జను మందితో మెగా ఫ్యామిలీ వెండితెరను ఆక్రమించేశారు. తాజాగా మరో హీరో తెలుగు చిత్ర పరిశ్రమలో అడుగుపెట్టనున్నాడు. అతని పేరు వైష్ణవ్ తేజ్. ఈయన ఎవరో కాదు... సాయిధరమ్ తేజ్ స్వయనా తమ్ముడు. ఇతను త్వరలోనే హీరో అవతారం ఎత్తేస్తాడని, ప్రస్తుతానికి యాక్టింగ్‌ క్లాస్‌లకు వెళ్లే ప్రయత్నంలో ఉన్నాడని సమాచారం.
నిజానికి తెలుగు సినిమా ఇండస్ట్రీలో మెగా ఫ్యామిలీ నుంచి ఇప్పటికే అరడజను మంది హీరోలు ఉన్నారు. మెగాస్టార్ చిరంజీవి, పవర్ స్టార్ పవన్‌ కల్యాణ్‌, మెగా పవర్ స్టార్ రామ్‌చరణ్‌, స్టైలిష్ స్టార్ అల్లు అర్జున్‌, సాయిధరమ్, వరుణ్‌ తేజ్, అల్లు శిరీష్‌లు ఉన్నారు. ఈ జాబితాలో వైష్ణవ్ తేజ్ చేరనున్నాడు. ఇప్పటికిప్పుడే కాకపోయినా భవిష్యత్తులోనైనా అతను హీరోగా మారడం ఖాయమని మెగా ఫ్యామిలీ వర్గాలు స్పష్టం చేస్తున్నాయి.
వైష్ణవ్ గురించి ఓ ఇంటర్వ్యూలో సాయిధరమ్‌కు ప్రశ్న ఎదురైంది. దానికి సాయిధరమ్ స్పందిస్తూ.. ‘ప్రస్తుతం మా తమ్ముడు చదువులో బిజీగా ఉన్నాడు. ఇప్పుడే యాక్టింగ్‌ ఏంటి’ అని సమాధానమిచ్చాడు. ఇంతకుముందు వరుణ్‌ తేజ్, సాయిధరమ్ గురించి కూడా ఇలాగే సమాధానం వచ్చేది. ఆ తర్వాత వాళ్లు ఎంతో కష్టపడి హీరోలైపోయారు. ఇప్పుడు వైష్ణవ్ కూడా అదే రూట్‌లో ఉన్నాడట.
