టాలీవుడ్ సంచలనం విజయ్ దేవరకొండ నటిస్తున్న తాజా చిత్రం "లైగర్".. (సాలా క్రాస్‌బ్రీడ్). పూరీ జగన్నాధ్ దర్శకత్వం వహిస్తున్న ఈ చిత్రంలో హీరోయిన్‌గా పలువురు పేర్లను పరిశీలించారు. ముఖయంగా, జాన్వీ కపూర్, నిధి అగర్వాల్ వంటి కుర్ర హీరోయిన్ల పేర్లను పరిశీలించారు. చివరకు అనన్యా పాండేను ఎంపిక చేశారు. పైగా, ఈ సినిమాలో విజయ్ దేవరకొండ, అనన్య మధ్య మంచి రొమాంటిక్ సీన్స్ ఉంటాయని .. ఆసీన్స్ యూత్ ఆడియన్స్‌ని బాగా ఆకట్టుకుంటాయని చెప్పుకుంటున్నారు.
నాలుగు భాషల్లో ఒకేసారి రిలీజ్ కానున్న లైగర్ సినిమాతో అనన్య పాండేకి ఎలాంటి ఇమేజ్ వస్తుందన్నది చాలా మంది టాక్. పూరి జగన్నాధ్ దగ్గర.. ఇండస్ట్రీకి పరిచయం చేయడానికి చాలామంది మోడల్స్.. హీరోయిన్స్‌కి సంబంధించిన ఫొటోస్ ఆల్బం నిండుగా ఉంటుంది. అందులో నుంచి సెలెక్ట్ చేసుకున్న అనన్య పాండే.. పూరి ఇప్పటివరకు పరిచయం చేసిన స్టార్ హీరోయిన్స్ లిస్ట్‌లో చేరుతుందా.. లేక అసలు అడ్రస్ లేకుండా పోయిన హీరోయిన్స్ లిస్ట్‌లో చేరుతుందా అన్నది కొందరి సందేహంగా ఉంది.
వాస్తవంగా పూరి సినిమాలలో హీరోకి ఎంత ఇంపార్టెన్స్ ఉంటుందో హీరోయిన్‌కి అంతే ఇంపార్టెన్స్ ఉంటుంది. గ్లామర్‌గా చూపించడంలో పూరి జగన్నాధ్ తర్వాతే ఎవరైనా. అయినా కూడా కొందరు హీరోయిన్స్ అసలు కనిపించకుండా పోయారు. సూపర్ సినిమాతో పరిచయం అయిన అనుష్క శెట్టి, ఆ తర్వాత సినిమాలతో వచ్చిన ఆసిన్, రక్షిత‌లాంటి వాళ్ళు స్టార్స్‌గా వెలిగారు. ఇప్పుడు అనన్య ఏ లిస్ట్‌లోకి వస్తుందన్నది అందరిలో కలుగుతున్న ఆసక్తి.
