ఓ కామాంధ భర్త.. కట్టుకున్న భార్యకు విడాకులిచ్చాడు. ఆ తర్వాత ఓ మైనర్ బాలికపై కన్నేశాడ. పెళ్లి చేసుకుంటానని నమ్మించి చీకటకి గదిలోకి బలవంతంగా లాక్కెళ్లి లైంగిక దాడికి తెగబడ్డాడు. చివరకు జైలు ఊచలు లెక్కిస్తున్నాడు.
ఈ ఘటన హైదరాబాద్, బంజారాహిల్స్‌లో జరిగింది. తాజాగా వెలుగులోకి వచ్చిన ఈ వివరాలను పరిశీలిస్తే, బంజారాహిల్స్‌కు చెందిన కె రాజేష్‌ అనే వ్యక్తి డ్రైవర్‌గా పని చేస్తున్నాడు. కొద్దికాలం క్రితం ఓ యువతిని వివాహం చేసుకొని విడాకులిచ్చాడు. ఎనిమిదో తరగతి విద్యార్థిని(14)తో పరిచయం ఏర్పరచుకొని ప్రేమిస్తున్నానని నమ్మించాడు. పెళ్లి చేసుకుంటానని నమ్మబలికాడు.
అనంతరం ఓ గదిలోకి బాలికను తీసుకెళ్లి అత్యాచారం చేశాడు. ఈ విషయం ఎవరికైనా చెబితే చంపేస్తానని బెదిరించాడు. ఇంటికి వచ్చిన బాలికకు తీవ్రకడుపు నొప్పి వచ్చింది. తల్లిదండ్రులు నిలదీయగా అసలు విషయం చెప్పింది.
బాధితురాలు తల్లిదండ్రులతో కలిసి బంజారాహిల్స్‌ పోలీసులకు ఫిర్యాదు చేసింది. పోలీసులు పోక్సో చట్టం కింద కేసు నమోదు చేసి నిందితుడిని అదుపులోకి తీసుకొని విచారిస్తున్నారు.
