ములుగు జిల్లా.. ఉద్యోగి భుజంపై ఎక్కి కూర్చుని హాయిగా నిద్రపోయిన వానరం (video)

Monkey

ములుగు జిల్లాలో ఓ ఉద్యోగి తలపై హాయిగా నిద్రపోయింది. వానరం అలా కునుకు తీయడంతో ఉద్యోగి కూడా కదలక మెదలక వుండిపోయాడు. వివరాల్లోకి వెళితే.. ములుగు జిల్లాలో ఏటూరునాగారంలోని గిరిజన ఆవాస పారిశ్రామిక శిక్షణ కేంద్రంలో ఉద్యోగులు తమ విధుల్లో నిమగ్నమై ఉన్నారు. ఆ సమయంలో ఓ వానరం కార్యాలయంలోపలికి వచ్చింది. దాన్ని చూశాక ఉద్యోగులు భయాందోళనకు గురయ్యారు. 

అయితే ఉద్యోగి మహ్మద్ సాధిక్ మాత్రం నెమ్మదిగా దాన్ని దగ్గరికి తీసుకున్నాడు. ఏం కావాలని అడిగాడు. అంతే ఆ ఉద్యోగికి అది దగ్గరైంది. వెంటనే ఆయన దగ్గరకు వెళ్లి భుజాలపైకెక్కింది.

ఆయన తలపై వాలిపోయి హాయిగా కునుకు తీసింది. సాధిక్ కూడా కదలకుండా అలాగే ఉండిపోయారు. మిగిలిన ఉద్యోగులు తమ పని తాము చేసుకుంటూ వుండిపోయారు. ఈ ఘటనకు సంబంధించిన వీడియో ప్రస్తుతం నెట్టింట వైరల్ అవుతోంది.

ఉద్యోగి తలపై వాలిపోయి.. సేద తీరిన వానరం

ములుగు జిల్లాలో ఏటూరునాగారంలోని గిరిజన ఆవాస పారిశ్రామిక శిక్షణ కేంద్రంలో ఉద్యోగులు తమ విధుల్లో నిమగ్నమై ఉండగా ఓ కోతి లోపలికి వచ్చింది. దాన్ని చూసి అందరూ భయాందోళనకు గురయ్యారు. కానీ ఉద్యోగి మహ్మద్ సాదిక్ దాన్ని చూస్తూ.. ఏం కావాలి? ఏమైనా… pic.twitter.com/7yUzCc4fxk

— ChotaNews App (@ChotaNewsApp) November 2, 2025