శ్రీశైలం అడవులల్లోని బయలు టీ గ్రామ రోడ్డు మార్గంలో పెద్దపులి కనిపించింది. కారు నిలబడి వుండగా.. ముందుగా పెద్దపులి తిరుగుతూ కనిపించింది. కారులో వున్న వ్యక్తులు పెద్దపులిని వీడియో తీసి సోషల్ మీడియాలో పోస్టు చేశారు.
శ్రీశైలం టైగర్ రిజర్వు ప్రాంతంలోని ఆత్మకూరు, మార్కాపురం పరిసరాల్లో పులుల జాడ కోసం పెట్టిన కెమెరా ట్రాపుల్లో జంతువులు నమోదవుతూ వుంటాయి. పెద్దపులి వీడియోను చూసిన స్థానికులు, భక్తులు తీవ్ర భయాందోళనకు గురవుతున్నారు.
పెద్దపులి సంచారంపై అటవీశాఖ అధికారులకు సమాచారం అందడంతో.. స్థానికులతో పాటూ భక్తులను అప్రమత్తం చేశారు. రాత్రుల సమయాలలో శ్రీశైలం ఘాట్ రోడ్డులో ప్రయాణించే భక్తులు అప్రమత్తంగా ఉండాలని అధికారులు సూచనలు చేశారు.
