బీహార్ రాష్ట్రంలోని సరన్ జిల్లాలో దారుణ ఘటన చోటుచేసుకుంది. తన ప్రియుడి మర్మాంగాన్ని ఓ మహిళా వైద్యురాలు కోసేసింది. బాధితుడు మధురా బ్లాక్‌లోని వార్డు నంబర్ 12 కౌన్సిలర్ కావడం గమనార్హం. కౌన్సిలర్‌తో మహిళా వైద్యురాలు ఐదేళ్లగా రిలేషన్లో ఉన్నారు. అయితే, ప్రియుడు పెళ్లికి నిరాకరించడంతో ఆమె ఈ దారుణానికి పాల్పడింది.
బాధితుడుని పాట్నా వైద్య కాలేజీ ఆస్పత్రిలో చేర్చి చికిత్స అందిస్తున్నారు. ఐదేళ్లుగా రిలేషన్లో ఉంటూ చివరకు ఆ మహిళా వైద్యురాలిని వివాహం చేసుకునేందుకు సిద్ధమైంది. అదీ కూడా రిజిస్టర్ మ్యారేజ్ చేసుకునేందుకు సిద్ధమైంది. ఇందుకోసం ఆమె కోర్టును కూడా ఆశ్రయించింది. కానీ, ప్రియుడు మాత్రం మొండికేశాడు.
దీంతో ప్రియుడి వ్యవహారంపై విరక్తి చెందిన ఆ లేడీ డాక్టర్ తన ఇంటికి ప్రియుడిని పిలిచి.. మర్మాంగాన్ని కోసేసింది. ఈ చర్యతో కౌన్సిలర్ కేకలు ఆలకించిన ఇరుగు పొరుగువారు... రక్తపు మడగులోపడివున్న కౌన్సిలర్‌ను రక్షించే ప్రయత్నం చేశారు. పోలీసులకు సమాచారం ఇవ్వడంతో వారు వచ్చి కౌన్సిలర్‌ను ఆస్పత్రికి తరలించారు.
నిందితారులు అవివాహిత. ఆమె వయసు 25 యేళ్లు. హజిపూర్‌ ఆమె స్వస్థలం. మధురాలో ఆమె ప్రాక్టీసు చేస్తుంది. బాధిత వ్యక్తి కూడా అవివాహితుడే అని సరన్ జిల్లాలోని మధురా పోలీస్ స్టేషన్ అధికారి వెల్లడించారు. నిందితురాలిని అరెస్టు చేశామని, తదుపరి విచారణ కొనసాగుతుందని చెప్పారు.
