ప్రిన్స్ హ్యారీ, అతని భార్య మేఘన్ మార్కెల్ రాచరిక జీవితానికి ఫుల్ స్టాప్ పెట్టారు. ప్రస్తుతం అమెరికాకు మకారం మార్చేశారు. అంతేగాకుండా.. ఆర్థికంగా తాము రాచ కుటుంబంపై ఆధారపడబోమని ఈ జంట ప్రకటించింది.
అయితే తల్లి డయానా నాకు వదిలిన సంపదతోనే జీవించాలని అనుకుంటున్నాను. అదే లేకపోతే మేము ఈ పని చేసేవాళ్లమే కాదు అని ప్రిన్స్ హ్యారీ తరచూ చెబుతున్నాడు. ఇదంతా చూస్తుంటే ఆమె ముందుగానే ఊహించి ఈ పని చేసినట్లుగా అనిపిస్తోందని కూడా అతను చెప్పాడు.
ప్రిన్స్ హ్యారీ ఈ మాటలు చెప్పినప్పటి నుంచీ అతని తల్లి డయానా ఎంత సంపద వదిలి వెళ్లిందన్నది తెలుసుకోవడానికి నెటిజన్లు ఆరాటపడుతున్నారు. అందుకే ఈ మధ్య గూగుల్‌లో అందుకు సంబంధించిన ప్రశ్నలు టాప్ ట్రెండ్స్‌లో ఉన్నాయి.
హ్యారీకి డయానా వదిలి వెళ్లిన మొత్తం ఎంత, ప్రిన్స్ హ్యారీ దగ్గర ఎంత మొత్తం ఉంది, వారసత్వంగా హ్యారీకి వచ్చిన మొత్తమెంత అన్న ప్రశ్నలు అందులో ఉన్నాయి. మొత్తానికి ఆ లెక్కలు ఇప్పుడు బయటపడ్డాయి.
హ్యారీకి డయానా వదిలి వెళ్లిన మొత్తం 89 లక్షల డాలర్లు. ఆమె చనిపోయిన దగ్గరి నుంచీ పెట్టుబడులుగా పెట్టిన ఆ మొత్తం వడ్డీలతో కలిపి ఇప్పుడు 1.3 కోట్ల డాలర్లు చేరింది. ఈ మొత్తం హ్యారీ 30వ పుట్టిన రోజునాడే అందుకున్నాడు. డయనా తన పెద్ద కొడుకు ప్రిన్స్ విలియమ్‌కు కూడా 90 లక్షల డాలర్లు వదిలి వెళ్లింది.
