రష్యాలో ఆగస్ట్ 3వ తేదీన కరోనా వాక్సిన్ అందుబాటులోకి రానుంది. వచ్చే నెలలో దేశప్రజలకు అందుబాటులోకి తెస్తున్నట్లు రష్యా ఆరోగ్యశాఖ మంత్రి ప్రకటించారు. ఇందుకు సంబంధించిన పనులు చకచకా జరుగుతున్నాయని ఆయన తెలిపారు.
3 నుంచి రష్యా, సౌదీ అరేబియా, యునెటైడ్ అరబ్ ఎమిరేట్స్‌లో టీకా మూడో దశ క్లినికల్‌ ట్రయల్స్‌ను వేలాదిమందిపై నిర్వహించనున్నట్టు వెల్లడించారు. సమాంతరంగా టీకాను కూడా ప్రజలకు అందుబాటులోకి తెస్తామని చెప్పారు.
ఇప్పటికే తొలి రెండు దశల క్లినియల్‌ ట్రయల్స్‌ విజయ వంతంగా పూర్తైనట్లు తెలిపారు. సెచెనోవ్ విశ్వవిద్యాలయం అభివృద్ధి చేసిన ఈ కరోనా టీకాపై రష్యా అధ్యక్షుడు పుతిన్‌ ప్రధానంగా దృష్టి పెట్టారు. అన్ని సక్రమంగా జరిగితే ప్రపంచంలో ప్రజలకు అందుబాటులోకి వచ్చే తొలి కరోనా టీకాగా రష్యా వ్యాక్సిన్ నిలవనుంది.
ఈ ఏడాది దేశీయంగా 3 కోట్ల డోస్‌లను ఉత్పత్తి చేయనున్నట్లు రష్యా ప్రకటించింది. మరో 17 కోట్ల డోస్‌లు విదేశాల్లో తయారవుతాయని తెలిపింది. వ్యాక్సిన్ తయారీకి ఐదు దేశాలు అంగీకారం తెలిపాయి.
