కొందరికి హైహీల్స్ అంటే పిచ్చి.. ఎక్కడికి వెళ్లినా వాటినే వాడుతుంటారు. వారు నడవలేకపోయినా సరే ఆ హీల్స్‌నే వేసుకుంటారు. ఈ హైహీల్స్‌లో ఏముకుంటుందో కానీ, హైహీల్స్ వేసుకుంటే చూడడానికి బాగుంటుందేమోగానీ.. వాటి హీల్ పరిమితికి మించి ఉండడం వలన చాలా నష్టాలు ఉన్నాయి. కనుక హైహీల్స్ వేసుకున్నప్పుడు ఈ పద్ధతులు పాటిస్తే.. తప్పక ఫలితం ఉంటుంది. అవేంటో ఓ సారి పరిశీలిద్దాం..
1. ఎముక బాల్ మీద అదనపు ఒత్తిడి కలిగి, మడమలో తీవ్రమైన నొప్పి వస్తుంది. దాంతో తుంటి భాగంలో ఉండే హిప్ ఫ్లెక్సార్ కండరాలు అవసరమైనదానికంటే ఎక్కువగా పనిచేయాల్సి వస్తుంది. ఈ చెప్పులు మోకాల్లో లోపలివైపున ఒత్తిడిని కలిగించి, ఆస్టియో ఆర్థరైటిస్‌కు దారితీస్తాయి.
2. రోజంతా హైహీల్స్ వేసుకోకుండా.. మీకు మరీ ముఖ్యమైనవి అనిపించిన కొన్ని సందర్భాల్లోనే వాటిని ధరించాలి. లేదంటే.. పిక్క కండరాలు పొట్టిగా మారి, బలం కోల్పోతాయి.
3. మీరు నిర్దేశించుకున్న సమయం కంటే ఎక్కువ సేప్ హైహీల్స్ వేసుకుంటే.. అవి విడిచాక కాసేపు రెండు కాళ్లూ కాస్తంత దూరంగా పెట్టి పాదాలు నేలకు ఆనేట్లుగా ఉంచి కాసేపు అలానే నిలబడాలి. ఈ సమయంలో ముందుకు వంగి మోకాళ్లు ఒంగకుండా చేతి వేళ్లతో కాలివేళ్లను ముట్టుకునే ఎక్సర్‌సైజ్ చేయాలి.
4. పాయింటెడ్ హైహీల్స్ లేదా మరీ బిగుతుగా ఉండే షూస్ వేసుకోవద్దు. హైహీల్స్ వేసుకునే ముందుగా మీ మోకాలి కింద వెనుక భాగంలో ఉండే కాఫ్ మజిల్స్‌ను కాసేపు రుద్దుకుంటూ మర్దన చేయాలి. ఇలా చేస్తే పాదాలు నొప్పిగా ఉండవు.
5. హైహీల్స్ చెప్పుల కోసం మధ్యాహ్నం లేదా సాయంత్రాలలోనే షాపింగ్ చేయాలి. ఆ సమయంలో మీ పాదాలకు ఫ్లెక్సిబిలిటీ ఎక్కువగా ఉంటుంది. మిగిలిన సమయాల్లో అంత ఫ్లెక్సిబిలిటీ ఉండదు.
6. మీ హైహీల్స్ తొడిగే ఫ్రీక్వేన్సీ ఎంత తగ్గితే మీకు దాని వలన వచ్చ నొప్పులు అంత తగ్గుతాయి.
