క్రికెట్ దేవుడు మాస్టర్ బ్లాస్టర్ సచిన్ టెండూల్కర్ కుమారుడు అర్జున్ టెండూల్కర్ వెస్ట్ జోన్ అండర్-16 జట్టుకు ఎంపికయ్యాడు. తద్వారా ఇంటర్ జోనల్ టోర్నమెంట్‌లో భాగంగా జరిగే మ్యాచ్‌‌ల్లో అర్జున్ తన సత్తా ఏంటో నిరూపించుకోనున్నాడు. ఈ నెల 24వ తేదీ నుంచి హూబ్లీలో ప్రారంభమైన వెస్ట్ జోన్ కెప్టెన్‌గా ఓమ్ భోస్లే వ్యవహరిస్తున్నాడు.
బరోడా క్రికెట్ సంఘం కార్యదర్శి స్నేహల్ పారిక్ వెస్ట్ జోన్ టీమ్‌ను ప్రకటించారు. మే24న ప్రారంభమైన ఈ టోర్నమెంట్ జూన్ 6 వరకు జరుగుతుంది. క్రికెట్ లెజెండ్ కుమారుడు ఎలా ఆడతాడో అని సచిన్ ఏ మేరకు రాణిస్తాడోనని ఫ్యాన్స్ ఆత్రుతగా ఎదురుచూస్తున్నారని బరోడా క్రికెట్ సంఘం వెల్లడించింది.
ఇప్పటికే బ్యాటింగ్, బౌలింగ్ విభాగాల్లో రాణించే అర్జున్.. గత ఏడాది పాకిస్థాన్ మాజీ ఫాస్ట్ బౌలర్ వసీమ్ అక్రమ్ వద్ద శిక్షణ తీసుకున్నాడు. ఇంకా గత ఏడాది జరిగిన యాషెస్ సిరీస్ సమయంలో ఇంగ్లండ్ క్రికెటర్లకు బౌలింగ్ చేయడం విశేషం.
వెస్ట్ జోన్ అండర్-16 జట్టు వివరాలు : ఓం భోస్లే (కెప్టెన్), వసుదేవ్ పాటిల్, సువేద్ పార్కెర్, సుమిత్ పటేల్, సన్‌ప్రీత్ బగ్గా, యాషాష్వి జైశ్వాల్, దియాన్ష్ సక్సేనా, నీల్ జయదేవ్ (వికెట్ కీపర్), అర్జున్ టెండూల్కర్, యోగేష్ డోంగ్రే, అథర్వా అన్కోలేకర్, సురాజ్ సుర్యల్, సిద్ధార్థ్ దేశాయ్, అక్షయ్ పాండే అండ్ ముకుంద్ సర్దార్.
స్టాండ్ బైస్: కిరణ్ మోర్, సత్యలక్ష్య జైన్, నిహార్ భుయాన్, విఘ్నేష్ సోలంకి, వైభవ్ పాటిల్.
