మిరియాలతో బరువు సులభంగా తగ్గవచ్చు. నల్ల మిరియాలను మసాలాగానే కాకుండా వివిధ రూపాల్లో తీసుకోవడం వల్ల అవి కేలరీలను తగ్గించి, కొత్త కొవ్వు కణాలు రాకుండా చూస్తాయని ఆయుర్వేద నిపుణులు చెప్తున్నారు. ముఖ్యంగా బరువు తగ్గాలనుకునేవారికి ఇవి బాగా ఉపయోగపడతాయి. మిరియాలను రోజూ తినే వెజిటబుల్ సలాడ్స్‌పైన చల్లి తీసుకుంటే బరువు తగ్గుతారు.
చల్లదనం కోసం చేసే మజ్జిగపైన, పుదీనా, నిమ్మరసంతో చేసే జ్యూస్‌పై కూడా కొద్దిగా బ్లాక్‌పెప్పర్‌ను చిలకరించి తాగితే రోగనిరోధక శక్తి పెరుగుతుంది. నల్ల మిరియాల్లో విటమిన్ ఎ, సి, కెలతో పాటు మినరల్స్, ఆరోగ్యకరమైన ఫ్యాటీ యాసిడ్స్ సహజసిద్ధమైన మెటబాలిక్ బూస్టర్‌గా పనిచేస్తాయి. గ్లాసు నీటిలో ఒక చుక్క ఒరిజినల్ బ్లాక్‌ పెప్పర్ ఆయిల్‌ను వేసుకుని ఉదయం అల్పాహారానికి ముందు తాగితే బరువు తగ్గాలనుకునే వారికి ఫలితం కనిపిస్తుంది.
అందుకే సన్నబడాలనుకునేవారు నల్ల మిరియాలను రోజువారీ ఆహారంలో చేరిస్తే మంచిది. నల్ల మిరియాల పొడిని టీలో వేసుకుని తాగొచ్చునని.. అయితే మితంగా తీసుకోవడం ఉత్తమం అని ఆయుర్వేద నిపుణులు సూచిస్తున్నారు.
