తలనొప్పితో చిరాగ్గా ఉందా? వేడినీటి స్నానం చేసేయండి!

ఒత్తిడి, ఆందోళన కారణంగా తలనొప్పి చిరాకు పరుస్తుంటే.. నీటిని ఎక్కువగా తీసుకోవాలని ఆరోగ్య నిపుణులు అంటున్నారు. ఒక్కోసారి విపరీతమైన తలనొప్పికి డీ హైడ్రేషన్ కూడా కారణం కావొచ్చు. అందుకని ఒక గ్లాసు నిండా చల్లటి నీళ్ళు తాగండి. అంతే తలనొప్పి తగ్గుముఖం పడుతుంది. 

తలనొప్పి చిరాకు తెప్పిస్తుందనుకుంటే కాసేపు అన్ని పనులను పక్కన పెట్టేసి రిలాక్స్ కావడం ఉత్తమమైన మార్గం. ఇంకా కాల్షియం సప్లిమెంట్ వల్ల రక్తప్రసరణ జరిగి మజిల్స్ రిలాక్స్ అవుతాయి. అందుచేత ఒక గ్లాసు నిండా పాలు లేదా ఆరెంజ్ జ్యూస్ తాగడం లేదా మెగ్నీషియం, కాల్షియం ఉండే సప్లిమెంట్ తీసుకున్నా తలనొప్పి నుండి రిలీఫ్‌ని ఇస్తుంది

నుదుటిపై మన అరచేతిలో ముఖ్యంగా మన చూపుడు వేలుకు, బొటన వేలుకు మధ్య ఉండే ప్రదేశంలో కరెక్టుగా ప్రెజర్ పాయింట్స్ ఉంటాయి. వాటిని 2, 3 నిమిషాల పాటు నొక్కి ఉంచినట్లయితే తలనొప్పి తగ్గిపోతుంది.

తలనొప్పి ఎక్కువగా ఉంటే గోరువెచ్చటి నీటితో తల స్నానం చేసేయండి. తలనొప్పిని చేతితో తీసిపడేసినట్టుగా, రిలాక్స్‌గా ఫీలవుతారు.