Publish Date: Wed, 31 Dec 2014 (17:45 IST)
Updated Date: Wed, 31 Dec 2014 (17:47 IST)
అవొకాడోతో చర్మ సౌందర్యాన్ని మెరుగుపరుచుకోవచ్చు. ఒక అవొకాడో కట్ చేసుకొని లోపల ఉండే గుజ్జుని ఒక గిన్నెలోకి తీసుకోవాలి. తర్వాత ఫోర్క్ సాయంతో దాన్ని మెత్తగా చేసి అందులో ఆలివ్ ఆయిల్ వేసి బాగా కలపాలి.
సుగంధభరితమైన ఈ మిశ్రమాన్ని ముఖానికి మాస్క్లా వేసుకోవాలి. 10-15నిముషాలు ఆరిన తర్వాత చల్లటి నీళ్లతో ముఖాన్ని శుభ్రపరచుకోవాలి. ఇందులో ఉండే విటమిన్లు, ఖనిజాలు, యాంటీ ఆక్సిడెంట్ల వల్ల చర్మానికి పోషణ అందడమే కాకుండా సున్నితంగా కూడా తయారవుతుంది. అలాగే చలికాలంలో ఎదురయ్యే ‘పొడి చర్మ'సమస్యను దూరం చేస్తుంది.
అలాగే తేనె, రోజ్ వాటర్ని సమపాళ్లలో తీసుకుని బాగా మిక్స్ చేసుకోవాలి. ఈ మిశ్రమాన్ని ముఖానికి అప్లై చేసుకుని 10 నిముషాలు ఆరనిచ్చి తర్వాత శుభ్రం చేసుకోవాలి. తేనె చర్మానికి సహజసిద్దమైన మాయిశ్చరైజర్గా పని చేసి తేమని అందిస్తే రోజ్ వాటర్ చర్మానికి మంచి టోనర్గా ఉపయోగపడుతుంది.
