వాస్తుశాస్త్రం ప్రకారం ఉదయం పూట గడియారం వైపు చూడకూడదు. అలాగే ఉదయం పూట సూదులు, దారాలు చూడకూడదు. ఈ విషయాలను అరిష్టంగా పరిగణిస్తారు. ఉదయం లేవగానే దీన్ని చూస్తే రోజంతా పాడైపోతుందని వాస్తు శాస్త్రం ప్రకారం చెప్పబడింది.
రాత్రి పడుకునే ముందు ఇంట్లో వున్న ఎంగిలి పాత్రలన్నీ శుభ్రం చేసి పడుకోండి. ఎందుకంటే ఉదయం పూట ఆ పాత్రలో వున్న వంటలను చూడటం వలన మీకు చెడు సందేశం రావచ్చు. మీ రోజంతా ఒత్తిడికి గురవుతుంది. ఉదయం నిద్రలేవగానే చాలామంది పళ్లు తోముకుంటూ అద్దంలో చూసుకుంటూ వుంటారు. ఇలా అస్సలు చేయవద్దు. ఎందుకంటే అద్దంలో చూసుకుంటే నెగెటివ్ ఎనర్జీని ఆకర్షించినట్లవుతుంది. రోజంతా ఆలోచనల్లో నెగటివ్ ఎనర్జీ ఉంటుంది.
ఉదయం నిద్ర లేవగానే మీ నీడను, మరొకరి నీడను చూడకండి. ఉదయం నిద్రలేచిన తర్వాత మీకు నీడ కనిపిస్తే, అది మీ రోజంతా ప్రభావితం చేస్తుంది. మీరు రోజంతా ఒత్తిడి, భయం, కోపం అనుభూతిని చెందుతారు. కాబట్టి మంచం మీద నుంచి లేచిన తర్వాత నీడ వైపు చూడకండి.
ఉదయం నిద్రలేవగానే ముందుగా అరచేతిని చూసుకుని గాయత్రీ మంత్రం లేదా మరేదైనా మంత్రాన్ని జపించడం శుభప్రదం. అలాగే, మీరు మంచం మీద నుండి లేచి, దేవుని ఫోటో, నెమలి కళ్ళు, పువ్వులు మొదలైన పాజిటివ్ విషయాలను చూసినప్పుడు, ఆ రోజు చక్కగా సాగుతుంది.
