వాలెంటైన్స్ డే ఎలా వచ్చిందో తెలుసా..?

సోమవారం, 11 ఫిబ్రవరి 2019 (12:51 IST)
ప్రతీ సంవత్సరం ఫిబ్రవరి 14వ తేదీనా ప్రేమికుల దినోత్సవం జరుపుకుంటారు. ఇది అందరికీ తెలిసిందే. ప్రేమించుకునే వారికి ఈ రోజు ఎంతో ముఖ్యమైన రోజు. ఇక కొత్తగా ప్రేమలో పడ్డ యువతీ యువకులకు.. ఎప్పుడెప్పుడు వారి ప్రేమను తమ ప్రియుడికి లేదా ప్రియురాలికి చెప్పాలని తపన పడుతుంటారు. ఆ రోజు ఎప్పుడు వస్తుందానని పడిగాపులతో ఎదురుచూస్తుంటారు. ఇది ఇలావుంటే.. వారు మన ప్రేమని అంగీకరిస్తారో లేదా తిరస్కరిస్తారో అనే భయం ఎక్కువగా ఉంటుంది. ఈ నేపథ్యంలో ప్రేమికుల దినోత్సవం గురించి..
 
ఈ రోజున ఎక్కడ ఏ సినిమా హాల్లో చూసినా, ఏ పార్కులో చూసినా, ప్రేమికులు జంట జంటగా కనిపిస్తుంటారు. ఇక 3 రోజుల్లో ప్రేమికుల దినోత్సవం రాబోతుంది. ఈ రోజైతే అమ్మాయిలు యూ ఆర్ మై వాలెంటైన్ అంటూ వారి ప్రేమికులకు చెప్తారు. అబ్బాయిలైతే నువ్వే నా ప్రేమదేవతవి అంటూ ప్రియురాలికి చెప్తారు. అసలు నిజం చెప్పాలంటే.. ఏ రోజైనా వారికి ప్రేమను చెప్పొచ్చు. కానీ ప్రేమించుకునే వారిలో ఈ ప్రేమికుల దినోత్సవానికి ఉండే ప్రాముఖ్యతనే వేరు. ఈ రోజును వారికోసమనే పెట్టారు. 
 
వాలెంటైన్స్ డేకి సంబంధించి చాలా కథలు ఉన్నాయి. దానిలో ఓ చిన్న కథ.. మూడో శతాబ్దంలో చక్రవర్తి క్లాడియన్ రోమ్ సామ్రాజ్యాన్ని పరిపాలిస్తుండేవాడు. ఇతనికి పెళ్లి అంటే అసలు నమ్మకమే ఉండేది కాదు. ఈ పెళ్లి చేసుకోవడం వలన మగాళ్ల బుద్ధి, సామర్థ్యం నశించిపోతుందని వారు నమ్మేవారు. దాంతో వారి సామ్రాజ్యంలోని సైనికులు, అధికారులు పెళ్లి చేసుకోకూడదని వెల్లడించారు. ఈ మాట విన్న ప్రేమికులు అసహానానికి లోనయ్యారు. 
 
ఈ సమయంలో.. చక్రవర్తి క్లాడియస్ చెప్పిన మాటను వాలైంటైన్ అనే వ్యక్తి తిరస్కరించి.. ప్రేమికుల దగ్గరుండి వారికి వివాహం జరిపించారు. దీంతో క్లాడియస్ నా మాటనే తప్పంటావా అంటూ.. వాలెంటైన్‌ను ఉరి తీయిస్తాడు. ఆ రోజు ప్రేమికుల దినోత్సవం. ప్రేమకోసం, ప్రేమికుల కోసం తన ప్రాణాలను అర్పించిన వాలెంటైన్‌కు గుర్తుగా ప్రతీ సంవత్సరం ఫిబ్రవరి 14వ తేదీనా ప్రేమికుల దినోత్సవం జరుపుకుంటున్నారు.   

వెబ్దునియా పై చదవండి

సంబంధిత వార్తలు

తర్వాతి కథనం ఇయర్ ఫోన్స్ వాడుతున్నారా.. జాగ్రత్త..?