మద్యం మత్తుతో ఓ యువతి రెచ్చిపోయింది. మహారాష్ట్రలోని నాగ్‌పూర్‌లో ఓ యువతి క్లబ్‌లోకి వెళ్లేందుకు ప్రయత్నించగా.. సెక్యూరిటీ సిబ్బంది, బౌన్సర్లు అడ్డుకున్నారు. టైమ్ అయిపోవడంతో ఆమెను లోనికి పంపలేదు. దీంతో ఆ యువతి ఫైర్ అయ్యింది.
బౌన్సర్లతో వాగ్వాదానికి దిగింది. అయినప్పటికీ వారు ఆమెను అడ్డగించారు. దాంతో మరింత రెచ్చిపోయింది యువతి. వారిని బండ బూతులు తిడుతూ బెదిరింపులకు పాల్పడింది. ఏకంగా డ్రెస్ తీసేస్తానంటూ రచ్చ చేసింది. చివరికి నడి రోడ్డుపైనే దుస్తులు విప్పేసింది. వారితో ఘర్షణకు దిగింది.
యువతి చేస్తున్న రచ్చను సెక్యూరిటీ సిబ్బంది ఫోన్‌లో రికార్డ్ చేశారు. అది గమనించిన యువతి.. తన అనుమతి లేకుండా వీడియో ఎలా తీస్తారంటూ ఆగ్రహం వ్యక్తం చేసింది. అయితే, పోలీసులు ఘటనా స్థలికి చేరుకునేలోపే.. ఆమె అక్కడి నుంచి కారులో పారిపోయింది.
