ఈ విషయంపై ఇప్పటికే మీడియాలో చాలానే కథనాలు వచ్చాయి. ఈ నెల మార్చి 31వ తేదీ లోపుగా పాన్ కార్డుతో ఆధార్ కార్డును లింక్ చేయడం తప్పనిసరని సుప్రీంకోర్టు తేల్చి చెప్పిన సంగతి తెలిసిందే. ఈ ప్రక్రియను ఎవరైతే చేయరో వారి పాన్ కార్డు ఆ తర్వాత పని చేయదు. అంతేకాదు.. ఐటీ రిటర్స్న్ ఫైల్ చేయడం కూడా సాధ్యంకాదు. ఇప్పటికైనా మించిపోయింది లేదు. మరో రెండు రోజుల సమయం వున్నది కనుక వెంటనే పాన్ కార్డును ఆధార్ కార్డుతో లింక్ చేసుకోండి.
అసలు పాన్ కార్డుతో ఆధార్ కార్డును లింక్ చేయడం ఎలాగో చాలామందికి కన్ఫ్యూజన్ వుంటుంది. ఆదాయపు పన్ను శాఖ అధికారిక వెబ్‌సైట్ incometaxindiaefiling.gov.in లింకును ఓపెన్ చేయాలి. అందులో ఎడమవైపు బార్‌లో క్విక్ లింక్స్‌లో కనిపించే ‘Link Aadhaar’ ట్యాబ్‌ పైన క్లిక్ చేయగానే కొత్త పేజీ వస్తుంది. అందులో మీ పాన్, ఆధార్ నెంబర్, ఆధార్‌పై ఉన్న పేరు, కప్చా కోడ్ లేదా ఓటీపీ నెంబరు ఎంటర్ చేసి పాన్-ఆధార్ లింక్ చేసేయవచ్చు. కనుక వెంటనే ఆ పని చేయండి.
