చికెన్ లెగ్ పీస్ లాంటి ఓ ఫోటో నెట్టింట వైరల్ అవుతోంది. కానీ దాన్ని తినాలని అనుకుంటే మాత్రం పళ్లు ఊడిపోక తప్పదు. అలా ఎందుకు అనుకుంటున్నారా.? అది నిజంగా చికెన్ లెగ్ పీస్ కాదు కాబట్టే. ఎందుకంటే అది చికెన్ లెగ్‌ను పోలి ఉన్న ఓ బండరాయి. వివరాల్లోకి వెళితే.. అమేలియా రూడీ అనే మహిళ బ్రాస్ లెట్ వ్యాపారం చేస్తూ ఉంటుంది.
విలువైన రాళ్లను సేకరించి వాటి ద్వారా ఆభరణాలు తయారు చేసి అమ్ముతుంది. ఈ క్రమంలో ఇటీవల ఆమెకు తన స్నేహితురాలు అరుదైన రాయిని ఇచ్చింది. అది నిజంగా చికెన్ ప్రై ముక్కలా ఉంటుంది. మసాలా దట్టించి, అల్లం వెల్లుల్లి రాసి పెట్టినట్టుగా కనిపించే దాన్ని చూసి ఆశ్చర్యపోయిన ఆమె సోషల్ మీడియాలో పంచుకుంది.
ఇది వైరల్‌గా మారి 3 లక్షలకు పైగా లైకులు వచ్చాయి. ఇప్పుడుది హాట్ టాపిక్‌గా మారడంతో ఇలాంటి వింత వింత రాళ్లను నెటిజన్లు కూడా పోస్టు చేస్తుండటం విశేషం.
