Publish Date: Fri, 08 Feb 2019 (10:13 IST)
Updated Date: Fri, 08 Feb 2019 (10:14 IST)
పార్కులు ప్రేమికుల రాసలీలలకు కేంద్రంగా మారిన నేపథ్యంలో.. తాజాగా మెట్రో రైల్వేస్టేషన్లోని లిఫ్టులు కూడా ముద్దుముచ్చటకు నిలయంగా మారిపోతున్నాయి. హైదరాబాద్లోని మెట్రో స్టేషన్లో వృద్ధులు, వికలాంగుల కోసం ఏర్పాటు చేసిన లిఫ్టులు ప్రేమికులకు అడ్డాగా మారుతున్నాయి. నాలుగు వైపులా.. మూతపడిపోవడంతో ఈ ఎలివేటర్లు ప్రేమికులకు హాట్ స్పాట్గా మారిపోతున్నాయి.
నిత్యం రద్దీగా ఉండే నగరంలో కాసింత ఏకాంతం కోరుకునే ప్రేమికులకు మెట్రో లిఫ్ట్లు ఎడారిలో ఒయాసిస్సులా కనిపిస్తున్నాయి. ఈ లిఫ్ట్లలో సీసీటీవీలు ఉన్నాయన్న సంగతిని గుర్తించని ప్రేమికులు ఆ కాస్త సమయంలోనే ముద్దు ముచ్చట తీర్చుకుంటున్నారు.
ఇటీవల ఈ సీసీటీవీ ఫుటేజీలను గమనించిన సిబ్బంది అందులోని దృశ్యాలు చూసి షాక్ తిన్నారు. వెంటనే ఆ ఫుటేజీలను పోలీసులకు పంపారు. లిఫ్ట్లలో అధర చుంబనాలు కానిచ్చేస్తున్న వారంతా ఇంటర్, డిగ్రీ చదివే వారు కావడం గమనార్హం. ఇప్పుడీ దృశ్యాలు సోషల్ మీడియాలోనూ వైరల్ అవుతున్నాయి.
ఇకపోతే.. వైరల్గా మారిన ఈ వీడియోలు మెట్రో ఉన్నతాధికారుల దృష్టికి వెళ్లడంతో దీనిపై విచారణ చేస్తున్నట్లు మెట్రోరైలు ఎండీ ఎన్వీఎస్రెడ్డి తెలిపారు. మెట్రో స్టేషన్లను అసాంఘిక కార్యకలాపాలకు పాల్పడితే కఠినచర్యలు తీసుకుంటామని ఆయన హెచ్చరించారు.
