వీధి కుక్కల దాడికి సంబంధించిన ఘటనలు తెలుగు రాష్ట్రాల్లోనే కాకుండా ఇతర రాష్ట్రాల్లోనూ చోటుచేసుకున్న ఘటనలను చూసేవుంటాం. ఆవులు, గేదెలు కూడా రోడ్డుపై వెళ్లే వారిపై ఉన్నట్టుండి దాడి చేసిన ఘటనలున్నాయి. తాజాగా ఓ గాడిద రోడ్డున పోయే వ్యక్తిపై దాడి చేసింది. ఈ ఘటనకు సంబంధించిన వీడియో నెట్టింట వైరల్ అవుతోంది.
ఈ వీడియోలో ఏముందంటే.. ఓ వ్యక్తి రోడ్డుపై ఫోనులో మాట్లాడుతూ.. నడుస్తూ వెళ్తుండగా.. వెనక నిల్చున్న గాడిద అతనిపై దాడి చేసింది. అతని కాళ్లు పట్టుకుని కొరికింది. చాలా సేపటికైనా ఆ రోడ్డుపై మనుషులు లేకపోవడంతో ఆ వ్యక్తి గాలికి తీవ్రంగా గాయాలైనాయి. ఆపై రోడ్డున పోయే వాహనదారులు ఆ గాడిదను తరిమికొట్టారు. అప్పటికే ఆ వ్యక్తి కాలికి రక్త స్రావం జరిగింది.
కర్రలు, రాళ్లతో గాడిదని అక్కడ నుంచి తరిమి కొట్టారు. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది. ఈ మనిషితో గాడిదకు ఏ సమస్య వచ్చింది? అంటూ నెటిజన్లు దిగ్భ్రాంతి వ్యక్తం చేస్తూ కామెంట్లు చేస్తున్నారు.
