బిగ్ బాస్ షోలో ఇప్పటివరకూ భార్యాభర్తలు ఇద్దరూ కలిసి పాల్గొన్న దాఖలాలు లేవు. కానీ యువ నటుడు వరుణ్ సందేశ్ అతడి భార్య వితిక ఇద్దరూ బిగ్ బాస్ సీజన్ 3కి సెలక్టయ్యారు. ఇంటిలో అడుగుపెట్టడంతోనే వరుణ్.... తన భార్యను చేతులపైకి ఎత్తుకుని హౌసులో హంగామా చేయడంతో అందరి చర్చ అటువైపు నడిచింది.
ఆ తర్వాత వీరిరువురూ ఒకేచోట చేరి బాతాకానీలు కొట్టడం, ఒకరి బాగోగులు మరొకరు చూసుకోవడం వంటివన్నీ జరుగుతోంది. మిగిలిన సభ్యులంతా తలోదగ్గర వుంటే వీరు మాత్రం ముద్దులు, హగ్గులు, డబుల్ మీనింగ్ డైలాగులతో హౌసులో ఓ స్థాయి చర్చకు తీసుకెళ్లారు. ఐతే మంగళవారం నాటి ఎపిసోడ్లో వితిక-పునర్నవి ఇద్దరూ ఏదో విషయంపై డిస్కషన్ చేస్కుంటుంటే... మధ్యలో వరుణ్ సందేశ్ జోక్యం చేసుకుని తన భార్యకు వ్యతిరేకంగా మాట్లాడాడు.
ఆ మాటలకు ఆమె చిన్నబుచ్చుకుని ఏడుస్తూ లోపలికి వెళ్లిపోయింది. దీంతో మిగిలిన సభ్యులు ఆమెను ఓదార్చారు. చివరికి వరుణ్ సందేశ్ కూడా సారీ చెప్పాడు. కానీ నెటిజన్లు మాత్రం వదలడంలేదు. హల్లో బిగ్ బాస్... వరుణ్ భార్యను బయటకు పంపేయండి.. లేదంటే వాళ్లు హౌసులోనే విడిపోయేట్లున్నారు అంటూ సెటైర్లు వేస్తున్నారు. ఇలాంటి కామెంట్లు ఇంకా పడుతూనే వున్నాయి.
