పాత విద్యార్థుల కలయిక అనేది.. వారి వారి జ్ఞాపకాలను తిరిగి తెచ్చుకునేట్లు అవుతుంది. పాఠశాల, కళాశాల విద్యార్థుల గెటు టు గెదర్ గురించి చాలానే వినే వుంటాం. చూసీవుంటాం. అలాంటి పాత స్నేహితులు చాలా సంవత్సరాల తర్వాత కలవడం అనేది మధురమైన అనుభూతిగా మిగిలిపోతుంది. ఇలా పాత విద్యార్థులు తమిళనాడులో కలుసుకున్నారు.
తమిళనాడు లోని ఒక పాఠశాల పాత విద్యార్థుల వింత కోరిక తీరింది. అదేంటంటే.. పాత విద్యార్థులంతా ఒకచోట కలిశారు. ఆ పాత విద్యార్థులలో కలెక్టర్లు, పోలీసు అధికారులు, వైద్యులు, న్యాయవాదులు, ప్రధానోపాధ్యాయులు, ఉపాధ్యాయులు, వ్యాపారవేత్తలు ఇలా ఉన్నత పదవులను అలంకరించిన చాలామంది వున్నారు. వారందరికీ ఒకే కోరిక.
వారి గొప్ప పాఠశాల జీవితాన్ని గుర్తుకు తెచ్చుకోవడానికి ప్రిన్సిపాల్ వారిని బెత్తంతో కొట్టాలి అనేదే. ఆ కోరికను కూడా ప్రిన్సిపాల్ నెరవేర్చారు. ఉన్నత పదవుల్లో వున్నారనే విషయాన్ని పక్కనబెట్టిన ప్రిన్సిపాల్.. వారిని బెత్తడం కొట్టారు. ఇలా ఆ పాత విద్యార్థుల వింత కోరిక నెరవేరింది. ఈ ఘటనకు సంబంధించిన వీడియో నెట్టింట వైరల్ అయ్యింది.
