Publish Date: Mon, 29 Jul 2019 (11:54 IST)
Updated Date: Mon, 29 Jul 2019 (11:58 IST)
చికెన్ ముక్కల్ని బాగా శుభ్రం చేసి వండి.. సర్వింగ్ ప్లేటులోకి తీసుకున్నారు. ఇక టేస్ట్ చేయడమే తరువాయి. కానీ అక్కడ జరిగిన సీన్ చూస్తే మీరు షాక్ కాక తప్పదు. వండి ప్లేటులోకి తీసుకున్న చికెన్ ముక్క.. ఆ ప్లేటు నుంచి తప్పించుకుని జారి కిందపడింది. దీనికి సంబంధించిన వీడియో ప్రస్తుతం నెట్టింట వైరల్ అవుతోంది. ఇదెలా సాధ్యమని చాలామంది ఈ వీడియోను షేర్ చేస్తూ వస్తున్నారు.
వివరాల్లోకి వెళితే.. ఫ్లోరిడాకు చెందిన రీ ఫిలిప్స్ అనే వ్యక్తి ఈ వీడియోను షేర్ చేశాడు. ఓ రెస్టారెంట్లోని టేబుల్పై వంటకాలు ప్లేటుల్లో వున్నాయి. అందులో చికెన్ ముక్కలు వున్నాయి. కానీ ఓ ప్లేటులోని చికెన్ ముక్క మాత్రం ఎవరి నోట్లో పడకుండా తప్పించుకోవాలనుకుందో ఏమో కానీ ప్లేటు నుంచి ఎగిరి కిందపడింది. దీన్ని చూసిన ఓ చెఫ్ సహ చెఫ్లతో చెప్పాడు.
ఈ చికెన్ ముక్క చేతులు, కాళ్లు కలిగిన ఓ ఎలుకలా ప్లేటు నుంచి నడుచుకుంటూ కిందపడింది. దీన్ని చూసిన వారంతా షాకయ్యారు. ఇంకా వీడియో తీసి సోషల్ మీడియాలో షేర్ చేశారు. ఈ వీడియోను బట్టి ఈ ఘటన థాయ్లాండ్, చైనాలో చోటుచేసుకుని వుంటుందని తెలుస్తోంది. దాదాపు ఈ వీడియోను 20 మిలియన్లకు పైబడిన వారు చూడగా, సుమారు రెండు లక్షల 50వేల మంది దీన్ని షేర్ చేశారు.
