సోషల్ మీడియాలో తరచూ కొన్ని ఫన్నీ వీడియోలను చూస్తుంటాం. తాజాగా ఓ కుక్క వీడియో నెట్టింట వైరల్ అవుతోంది. ఇండియన్ ఫారెస్ట్ ఆఫీసర్ ప్రవీణ్ అంగుసామి తన ట్విట్టర్ ఖాతాలో ఈ వీడియోను నెటిజన్లతో పంచుకున్నారు. దీనికి 'నాకు ఆకలి వేసిన 0.5 మెక్రో సెకన్ల తర్వాత' అని క్యాప్షన్ రాశారు. ఈ వీడియోను చూసినట్లయితే ఒక కుక్క తన యజమాని దగ్గరికి వెళ్లి బాగా అరుస్తుంది. టైమ్‌కి ఆహారం పెట్టడం తెలియదా అన్నట్లు అరుస్తూ ప్లేటును విసిరేస్తుంది.
ఈ వీడియో అప్లోడ్ చేసిన కొద్ది గంటల్లోనే వైరల్ అయింది. ఈ ఫన్నీ వీడియోను చూసిన ప్రతిఒక్కరూ ఫన్నీగా కామెంట్లు పెడుతున్నారు. టైమ్‌కి అన్నం పెట్టండని కొందరు, ఆకలితో ఉన్న కుక్కతో పరాచకాలు ఆడొద్దు.. కరిస్తే ప్రమాదమే అంటూ మరికొందరు.. ఈ వీడియో పెదాలపై చిరునవ్వు తెస్తోంది.. అంటూ కామెంట్లు పెడుతున్నారు.
కాగా, ఇప్పటివరకు 4 లక్షలపై వీవర్స్ చూశారు. ఐఎఫ్ఎస్ అధికారి ప్రవీణ్ అంగుసామి ఈ వీడియోను ఏప్రిల్ 5వ తేదీన అప్లోడ్ చేశారు. లైకులు, రీట్విట్, కామెంట్లతో ఈ ఫన్నీ వీడియో తెగ వైరల్ అవుతోంది.
