విక్టరీ వెంకటేష్, వరుణ్ తేజ్ హీరోలుగా అనిల్ రావిపూడి దర్శకత్వంలో రూపొందుతోన్న ‘ఎఫ్ 3’ సినిమా ట్రైలర్ విడుద‌లైంది. డ‌బ్బుకు ప్రాధాన్య‌త ఇచ్చే క‌థ‌తో ఈ చిత్రం రూపొందింది. దిల్ రాజు సమర్పకుడిగా వ్యవహరిస్తున్న ఈ చిత్రాన్ని శ్రీ వెంకటేశ్వర క్రియేషన్స్ బ్యానర్‌పై శిరీష్ నిర్మిస్తున్నారు. మే 27న సినిమా విడుద‌ల‌కాబోతోంది.
ఈ ట్రైలర్ ఎలా వుందంటే,
‘ప్రపంచానికి తెలిసిన పంచభూతాలు ఐదు, కానీ ఆరో భూతం ఒకటి ఉంది, అదే డబ్బు…అంటూ ట్రైలర్ మొదలై.. చివర్లో అంతేగా అంతేగా అంటే.. ఈడికి సీక్వెల్ లో కూడా సేమ్ డైలాగా ? అంటూ ట్రైలర్ ముగించడం విశేషం. ఇక మ‌ధ్య‌లో వ‌రుణ్‌తేజ్‌కు న‌త్తి, వెంక‌టేష్‌కు రేచీక‌టి వున్న‌ట్లు చూపించ‌డం విశేషం. డ‌బ్బుకోసం ఆశ‌ప‌డే పాత్ర‌లు, తుపాకి ఫైరింగ్ చేసే అలీ పాత్ర‌లు క‌నిపిస్తాయి.
ఫుల్ ఫ‌న్ క్రియేట్ చేస్తూ తీసిన ఈ సినిమాకు దేవి శ్రీ ప్రసాద్ సంగీతం అందించారు. త‌మ‌న్నా, మెహ్రిన్ హీరోయిన్టుగా నటించిన ఈ సినిమాలో స్పెషల్ సాంగ్ లో పూజా హెగ్డే నటించిన సంగతి తెలిసిందే.
