నటీనటులు: డా. రాజేంద్ర ప్రసాద్, నరసింహరాజు, ప్రేమ, తులసి, రవిబాబు, శుభలేక సుధాకర్, మరియు ఇతరులు
సాంకేతిక‌తః దర్శకుడు: వెంకటేష్ పెదిరెడ్ల, నిర్మాత: డా. జగన్ మోహన్ డి.వై, సంగీత దర్శకుడు: ఎస్ శివ దినవహి, సినిమాటోగ్రఫీ: మల్లికార్జున్ నరగాని, ఎడిటర్: రామ్ తుము
విడుదల తేదీ: అక్టోబర్ 28, 2022
నటకిరీటి డా.రాజేంద్ర ప్రసాద్ ప్రధాన పాత్రలో నటించిన చిత్రాలు ఆ న‌లుగురు, మీ శ్రేయోభిలాషి వంటి సినిమాల త‌ర్వాత మ‌రోసారి చేసిన సినిమా అనుకోని ప్రయాణం. వెంకటేష్ పెదిరెడ్ల దర్శకత్వం వహించిన ఈ చిత్రంలో ప్రముఖ నటుడు నరసింహరాజు కీలక పాత్రలో నటించ‌గా, నారాయ‌ణ‌రావు కూడా మ‌రో పాత్ర పోషించారు. ఈరోజు విడుదలైన ఈ సినిమా ఎలా ఉందో చూద్దాం.
కథ:
భువనేశ్వర్‌లోని ఒక నిర్మాణ స్థలంలో రోజువారీ కూలీలుగా పనిచేసే రాజేంద్ర ప్రసాద్, నరసింహరాజు అనే ఇద్దరు స్నేహితులతో సినిమా ప్రారంభమవుతుంది. రాజేంద్ర ప్రసాద్‌కు కుటుంబసంబంధాలు లేవు. పెండ్లికూడా చేసుకోలేదు. అత‌న్ని నరసింహరాజు కుటుంబ‌విలువ‌ల గురించి చెప్పినా ప‌ట్టించుకోడు. COVID-19 కారణంగా, వారి పని నిలిచిపోయింది, కాబట్టి వారు తమ ఊళ్ళ‌కు ప్రయాణం చేయాల‌ని డిసైడ్ అవుతారు. అదేస‌మ‌యంలో అక్క‌డే ప‌నిచేస్తున్న ధ‌న‌రాజ్ అక‌స్మాత్తుగా చ‌నిపోతాడు. ఇలా దిక్కులేని చావు త‌న‌కు రాకూడ‌ద‌ని నరసింహరాజు దేవుడ్ని కోరుకుంటాడు. ఆ త‌ర్వాత రోజు నరసింహరాజు రాజండ్రిలో వున్న తన కుటంబానికి వ‌స్తున్న‌ట్లు ఫోన్ చేస్తాడు. ఆ ఆనందంతో రాజేంద్ర ప్రసాద్‌తో క‌లిసి మందు తాగుతాడు.ఆ స‌మ‌యంలో గుండె నొప్పితో నరసింహరాజు చ‌నిపోతాడు. ఆ త‌ర్వాత రాజేంద్ర ప్రసాద్ తన స్నేహితుడి శవాన్ని స్వగ్రామానికి తీసుకెళ్లాలని నిర్ణయించుకోవడం, ఈ ప్రక్రియలో అతనికి ఎదురయ్యే అడ్డంకులు, మానవ సంబంధాల విలువను అతనికి తెలియజేసే అంశాలే మిగతా సినిమా.
విశ్లేష‌ణ
ఈ సినిమా కోవిడ్ ఆరంభంలో తీసిన కథ. అప్ప‌ట్లో జ‌రిగిన చాలా సంఘ‌ట‌న‌లు నేప‌థ్యంలో తీశారు. నిజం చెప్పాలంటే చిత్ర నిర్మాత స్నేహితుడు ఆ స‌మ‌యంలో చ‌నిపోతే ఎన్ని ఇబ్బందులు ప‌డ్డాడో అనే బాధ‌లోంచి క‌థ‌ను ఆయ‌నే రాసుకున్నాడు. ఒక‌ర‌కంగా రాజేంద్ర‌ప్ర‌సాద్ కేరెక్ట‌ర్ అత‌నిదే అనిపిస్తుంది. ఇందులో నటీనటులు అంద‌రూ స్వ‌తంత్రంగా ముందుకు వ‌చ్చి న‌టించిన‌వారే. ఇది ఈ సినిమా ప‌రంగా నేప‌థ్యం.
ఇక జీవితంలో ఉండవలసిన సంబంధాల ప్రాముఖ్యతను ఈ చిత్రం నొక్కి చెబుతుంది. మొదటి గంటలో కథ బాగానే డీల్ చేశాడు దర్శకుడు. భావోద్వేగాలు బాగా చూపించాడు. మనిషి జీవితంలోని ఒడిదుడుకులను జోగి బ్రదర్స్ వైకుంఠ‌పాళి ఆట‌తో పోల్చడం ద్వారా సినిమా మొదలవుతుంది. అందులో ఎన్ని అడ్డంకులున్నాయో చెబుతూ రాజేంద్ర‌ప్ర‌సాద్‌కు ఎన్ని అడ్డంకులో లింక్ చేసి చూపించాడు.
రాజేంద్ర ప్రసాద్ న‌టుడిగా ఇది టైలర్ మేడ్ పాత్ర. నరసింహరాజుకు మంచి పాత్ర లభించడంతో పాటు ఆయన కూడా బాగా నటించారు. ఎక్కువ‌భాగం చ‌నిపోయిన‌ట్లు న‌టించ‌డం గొప్ప న‌ట‌నే. తులసి, రవిబాబు వంటి వారు తమ పరిమిత పాత్రల్లో బాగానే ఉన్నారు. సినిమాలోని కొన్ని చోట్ల ఫన్ పార్ట్ తేలికైన రీతిలో ప్రదర్శించబడింది. పరుచూరి బ్రదర్స్ రాసిన కొన్ని డైలాగులు అంతర్లీనంగా ఉంటాయి.
క‌థాప‌రంగా నెమ్మదిగా సాగే కథనం సినిమాని నిరంతరం కిందకు నెట్టే ఒక అంశం. మంచి సన్నివేశాలు ఉన్నప్పటికీ, అవి చాలా తక్కువగా కనిపిస్తాయి. శవాన్ని వంద‌ల మైళ్ళ దూరం వ‌రు మోయ‌డం క‌ష్ట‌ము, చిత్ర‌మైనా సినిమాటిక్‌గా చూపించాడు.
అలాగే ఈ చిత్రంలో కొన్ని ఫోర్స్డ్ ఎలిమెంట్స్ ఉన్నాయి, వన్-ఫైట్ సీక్వెన్స్ దానిని ప్రదర్శించిన విధానం ఇబ్బందికరంగా అనిపిస్తుంది. డాక్ట‌ర్‌గా ప్రేమ న‌టించే సన్నివేశాలు కృత్రిమంగా కనిపిస్తున్నాయి. క్లైమాక్స్ అంత ప్రభావం చూపలేదు. రెగ్యులర్ కమర్షియల్ ఎంటర్‌టైనర్‌లకు భిన్నంగా ఈ సినిమా ప్రేక్షకులను మెప్పించకపోవచ్చు.
సాంకేతిక అంశాలు:
శివ దినవహి అందించిన రెండు పాటలు అర్థవంతంగా వుంటాయి. సాహిత్యం కూడా ఆలోచించేలా వుంటుంది. మల్లికార్జున్ నరగాని సినిమాటోగ్రఫీ ఫర్వాలేదు, లొకేషన్స్ ని ఆహ్లాదకరంగా తీశారు. నిర్మాణ విలువలు బాగున్నాయి, మేకర్స్ ఈ సినిమాకు కావాల్సినంత ఖర్చు చేశారు.
దర్శకుడు వెంకటేష్ పెదిరెడ్ల తన కథనంతో ఓకే చేసాడు. నిర్మాత జగన్ మోహన్ రాసిన బేసిక్ ప్లాట్ పాయింట్ చాలా ఆసక్తికరంగా ఉంది. కానీ దర్శకుడు సినిమాను భారీ స్థాయిలో తెరకెక్కించడంలో సక్సెస్ కాలేకపోయాడు. రాజేంద్ర ప్రసాద్ నుండి అత్యుత్తమమైన వాటిని వెలికి తీయడంలో అతను విజయం సాధించాడు.
తీర్పు:
మొత్తానికి అనుకోని ప్రయాణంలో మంచి కాన్సెప్ట్, రాజేంద్ర ప్రసాద్ చేసిన సాలిడ్ పెర్ఫార్మెన్స్, కొన్ని మంచి మూమెంట్స్ ఉన్నాయి. ఇది కోవిడ్ సెకండ్‌వేవ్‌లోనైనా విడుద‌ల‌కు నోచుకుంటే బాగుండేది. లేదా ఓటీటీకి మంచి కంటెంట్ సినిమా ఇది. ఇప్పుడు విడుదల కావ‌డం లేట్ ప్ర‌యాణంగా మిగిలిపోయింది. ఆక‌ట్టుకోలేని విధంగా త‌యారైంది.
