Publish Date: Fri, 20 Feb 2015 (21:45 IST)
Updated Date: Fri, 20 Feb 2015 (21:47 IST)
అతని పేరు రామ్. తను చేసే లీలలన్నీ చాలా గమ్మత్తుగా వుంటాయి. అవి అతని జీవితంలో ఎటువంటి మార్పులకు గురిచేశాయనే పాయింట్తో 'రామ్లీల' చిత్రం రూపొందుతోంది. హవీష్, అభిజిత్, నందిత కాంబినేషన్లో రూపొందుతోన్న ఈ చిత్రాన్ని రామదూత క్రియేషన్స్ పతాకంపై దాసరి కిరణ్కుమార్ నిర్మిస్తున్నారు. శ్రీపురం కిరణ్ దర్శకుడిగా పరిచయమవుతున్నారు. సెన్సార్ పూర్తయిన ఈ చిత్రాన్ని ఈ నెల 27న విడుదల చేస్తున్నట్లు నిర్మాత తెలియజేస్తున్నారు. ఇందులోని కథ, కథనం, మాటలు, సంగీతం, కెమెరా పనితనం చిత్రానికి ప్రత్యేక ఆకర్షణగా నిలుస్తాయన్నారు.
దర్శకుడు తెలుపుతూ.. అమెరికాలో ఓ తెలుగు కుర్రాడి జీవితంలో జరిగిన సంఘటనలతో కథ రూపొందింది. యువత ట్రెండీగా వున్నా, మూలాల్ని మర్చిపోకూడదని చెప్పే సినిమా ఇది. రోడ్ జర్నీ నేపథ్యంలో సాగుతుంది. ఐదు పాటలకు మంచి స్పందన వచ్చింది. మలేసియాలోని అద్భుతమైన లొకేషన్లలో చిత్రించామని' తెలిపారు. ఈ చిత్రానికి కెమెరా: ఎస్.గోపాలరెడ్డి, సంగీతం: చిన్నా, మాటలు: విస్సు, ఎగ్జిక్యూటివ్ నిర్మాత: ముత్యాల రమేష్.
