Dimple Hayati, Raashi Singh, Lelijala Ravinder
లెలిజాల రవీందర్, రితికా చక్రవర్తి హీరో హీరోయిన్ లుగా నటిస్తున్న సినిమా "రాజు గాని సవాల్". ఎల్ ఆర్ ప్రొడక్షన్ బ్యానర్ పై లెలిజాల రవీందర్ నిర్మిస్తూ దర్శకత్వం వహిస్తున్నారు. ఈ సినిమా రక్షా బంధన్ పండుగ సందర్భంగా ఆగస్టు 8న శ్రీ లక్ష్మి పిక్చర్స్ ద్వారా గ్రాండ్ థియేట్రికల్ రిలీజ్ కు రెడీ అవుతోంది. కాగా, ఈ సినిమా ట్రైలర్ రిలీజ్ ఈవెంట్ హైదరాబాద్ లో ఘనంగా జరిగింది. హీరోయిన్స్ డింపుల్ హయతి, రాశీ సింగ్, తెలుగు ఫిలిం ఛాంబర్ అధ్యక్షులు భారత్ భూషణ్, ప్రొడ్యూసర్స్ దామోదర ప్రసాద్, గీత రచయిత గోరటి వెంకన్న, నటుడు డా.భద్రం, ప్రసన్నకుమార్, తుమ్మలపల్లి రామసత్యనారాయణ ముఖ్య అతిథులుగా పాల్గొన్నారు.
అనంతరం డింపుల్ హయతి మాట్లాడుతూ, ఈ మూవీ ట్రైలర్, సాంగ్స్ చాలా బాగున్నాయి. నేను కెరీర్ ప్రారంభించిన కొత్తలో కలిసిన సినిమా మీద ప్రేమ ఉన్న ముగ్గురు వ్యక్తులు బాపిరాజు, సునీల్ కుమార్ రెడ్డి రవీందర్ రెడ్డి గారు. ఈ అమ్మాయి బాగుంటుందని నాకు మొదటి సినిమా అవకాశం ఇచ్చారు ఈ ముగ్గురు. "రాజు గాని సవాల్" మూవీ ట్రైలర్ లాంఛ్ ఈవెంట్ కు మీరు వస్తారా అని బాపిరాజు గారు అడిగినప్పుడు తప్పకుండా వస్తా సార్ అని చెప్పాను. బాపిరాజు గారు సినిమాను సినిమాను రూపొందించడమే కాదు ప్రేక్షకుల దగ్గరకు రీచ్ అయ్యేలా చేస్తారు. "రాజు గాని సవాల్" సినిమా సినిమా టీమ్ అందరికీ ఆల్ ది బెస్ట్ చెబుతున్నా. ఈ మూవీ రిలీజ్ కోసం నేనూ ఎదురుచూస్తున్నా. అన్నారు.
దామోదర ప్రసాద్ మాట్లాడుతూ, సినిమా టీజర్ చూశాం చాలా బాగుంది. ఇప్పుడు ట్రైలర్ కూడా ఆకట్టుకుంది. ఈ సినిమా బాగుంటుందని మేము నమ్మకంగా ఉన్నాం ఎందుకంటే బాపిరాజు సెలక్షన్ అలా ఉంటుంది. ఆయన బాగుంటే గానీ మూవీ రిలీజ్ చేయరు. బాపిరాజు గారికి ఆల్ ది బెస్ట్ చెబుతున్నా అలాగే ఈ సినిమాతో హీరో హీరోయిన్స్ తో పాటు మొత్తం టీమ్ అందరికీ మంచి గుర్తింపు విజయం దక్కాలని కోరుకుంటున్నా. అన్నారు.
ప్రసన్నకుమార్ మాట్లాడుతూ, ఈ చిత్రానికి సపోర్ట్ చేసేందుకు హీరోయిన్స్ డింపుల్ హయతి, రాశీ సింగ్ రావడం సంతోషకరం. ఈ సినిమా మంచి విజయం సాధించాలని కోరుకుంటున్నా. అన్నారు.
హీరోయిన్ రాశీ సింగ్ మాట్లాడుతూ, ట్రైలర్ కు మంచి రెస్పాన్స్ వస్తున్న సందర్భంగా టీమ్ అందరికీ కంగ్రాట్స్ చెబుతున్నా. బాపిరాజు గారి నమ్మకాన్ని ఈ మూవీ నిలబెట్టాలి. "రాజు గాని సవాల్" సినిమా ఘన విజయాన్ని సాధిస్తుందని ఆశిస్తున్నా. అన్నారు.
నటి సంధ్య రాథోడ్ మాట్లాడుతూ - "రాజు గాని సవాల్" మూవీ ట్రైలర్ లాంఛ్ ఈవెంట్ కు వచ్చిన అందరికీ థ్యాంక్స్. ఇది మాకొక ప్రత్యేకమైన సందర్భం. ఆగస్టు 8వ మా మూవీ రిలీజ్ కు వస్తోంది. చాలా ఎగ్జైటింగ్ గా ఆ రోజు కోసం ఎదురుచూస్తున్నాం. ఈ చిత్రంలో నటించడం మా అందరికీ గ్రేట్ ఎక్సిపీరియన్స్ ఇచ్చింది. ఈ చిత్రానికి వర్క్ చేసిన వాళ్లంతా కొత్తవాళ్లే. మాకు ఈ సినిమా మంచి విజయాన్ని ఇస్తుందని ఆశిస్తున్నాం. అన్నారు.
హీరోయిన్ రితికా చక్రవర్తి మాట్లాడుతూ - "రాజు గాని సవాల్" మూవీని ప్రతి ఒక్కరూ రిలేట్ చేసుకుంటారు. ఈ చిత్రం కోసం మేమంతా ఫుల్ ఎఫర్ట్స్ పెట్టి పనిచేశాం. మా రవీందర్ గారు ఎంతో కష్టపడి ఈ మూవీ చేశారు. మేము మూవీ మీద భారీ అంచనాలు పెట్టుకోలేదు కానీ సినిమా తప్పకుండా అందరం హ్యాపీగా ఫీలయ్యే రిజల్ట్ ఇస్తుందని నమ్ముతున్నాం. ఆగస్టు 8న మా మూవీని థియేటర్స్ కు వెళ్లి చూడండి. మీ అందరి సపోర్ట్ మా మూవీకి ఉంటుందని నమ్ముతున్నాం. అన్నారు.
దర్శక నిర్మాత, హీరో లెలిజాల రవీందర్ మాట్లాడుతూ, పెద్దల మధ్య నా మూవీ ఈవెంట్ జరుపుకోవాలని కొన్నేళ్లుగా కలగంటున్నాను. అది ఈ రోజు నెరవేరడం హ్యాపీగా ఉంది. మా జీవితాల్లో జరిగిన కొన్ని రియల్ ఇన్సిడెంట్స్ ను ఆధారంగా చేసుకుని రూపొందించిన చిత్రమిది. సహజంగా ఉండేందుకు కవాడిగూడ రియల్ లొకేషన్స్ లో షూటింగ్ చేశాం. మధ్య తరగతి వారి జీవితంలో ఎన్నో సవాళ్లు ఉంటాయి. అలాంటి సందర్భంలో ఒక పెద్ద సమస్య ఎదురైతే ఆ మిడిల్ క్లాస్ పర్సన్ ఎలా ఎదుర్కొన్నాడు అనేది ఈ చిత్రంలో చూస్తారు. ఫ్యామిలీ బాండింగ్స్, స్నేహితుల మధ్య ఉండే అనుబంధాలను ఆకట్టుకునేలా తెరకెక్కించాం. సినిమా టెక్నికల్ గా క్వాలిటీగా ఉండాలని టాప్ టెక్నీషియన్స్ ను పెట్టుకున్నాం. యశ్వంత్ నాగ్ గారి మ్యూజిక్ లో రామ్ మిరియాల, అనురాగ్ కులకర్ణి, గోరటి వెంకన్న వంటి సింగర్స్ మా మూవీలో సాంగ్స్ పాడారు. ఈ సినిమా చూశాక మా టీమ్ కు కెప్టెన్ వంటి బాపిరాజు గారు "రాజు గాని సవాల్" సినిమా క్లాసిక్ డ్రామాగా మ్యూజికల్ హిట్ అవుతుందని చెప్పారు. ఆయన మాట నిజం కావాలని ఆశిస్తున్నా. అన్నారు.
నిర్మాత, డిస్ట్రిబ్యూటర్ బాపిరాజు మాట్లాడుతూ, ఇంతమంది అభిమానంతో మా వెనక నిలబడ్డారు. వారి బ్లెస్సింగ్స్ తో మా "రాజు గాని సవాల్" సినిమా తప్పకుండా విజయం సాధిస్తుంది. ఘనంగా రిలీజ్ అయ్యి కాసుల వర్షం కురిపిస్తుందని నమ్ముతున్నాం. హీరో రవీందర్ గారు నా గురించి ఎంత చెప్పినా, ఆయన నాకు మూవీ ఇవ్వకుంటే ఈ రోజు ఈ వేదిక మీద నిలబడి మాట్లాడే అవకాశం వచ్చేది కాదు. రవీందర్ గారికి నా కృతజ్ఞతలు చెబుతున్నా. నా కెరీర్ ఈ స్థాయిలో ఉందంటే నా కుటుంబ సభ్యులైన మీడియా వారు కారణం. వాళ్లకు ఎప్పటికీ రుణపడి ఉంటాను. అన్నారు.
గీత రచయిత గోరటి వెంకన్న మాట్లాడుతూ హీరో లెలిజాల రవీందర్ మంచి సంస్కారం ఉన్న వ్యక్తి. ఈ సినిమాలో పాటకు నేను రాసిన సాహిత్యం తగ్గట్టు పాడి సంగీతం ఇచ్చారు అద్భుతంగా వుంది. పాట పిక్చరైజేషన్ కూడా చాలా బాగుంది కమర్షియల్ అంశాలు ఈ సినిమాలో వున్నాయి. సినిమా సక్సెస్ కావాలి. ప్రజలు కూడా ఆశీర్వదించాలి అని అన్నారు.
