సూర్యనటించిన తమిళ సినిమా రెట్రో. పూజా హెగ్డే నాయికగా నటించింది. స్టోన్ బెంచ్ క్రియేషన్స్, 2డి ఎంటర్ టైన్ మెంట్ నిర్మించాయి. మే 1 సినిమా పలు భాషల్లో విడుదలకాబోతుంది. ఈ సందర్భంగా ఈనెల 26న హైదరాబాద్ లో ప్రీ రిలీజ్ వేడుక చేయనున్నారు. దీనికి విజయ్ దేవరకొండ రానున్నట్లు తెలుస్తోంది. కార్తీక్ సుబ్బరాజు దర్శకత్వం వహించారు. పూర్తి స్థాయి యాక్షన్ ఎంటర్ టైనర్ గా రూపొందించారు.
ఇంతకుముందు కంగువా సినిమాతో సూర్య వచ్చారు. కానీ ఆ సినిమా పెద్దగా ఫలితం ఇవ్వలేదు. కాగా, సూర్య సినిమాకు విజయ్ గెస్ట్ గా రావడంపై నెటిజన్లు తీవ్రంగా స్పందిస్తున్నారు. ఎవరికి ఇష్టం వచ్చినట్లు వారు స్పందిస్తున్నారు. సూర్య వంటి స్టార్ కు విజయ్ ఏమిటి? ఇంకా ఎవరూ లేరా? అంటూ కామెంట్లు చేయడం విశేషంగా అనిపిస్తున్నాయి. ఇదిలా వుండగా, సూర్య మరో చిత్రం నిర్మాణంలో వుంది. సితార ఎంటర్ టైన్ మెంట్ పై రూపొందనున్న ఈ సినిమాలో కీర్తి సురేష్ నాయికగా నటిస్తోంది.
