ఓ మహా నటుడికి అప్పు ఇచ్చానని చెప్పుకుంటానన్న వేణు మాధవ్... ఎవరికి?

మంగళవారం, 1 అక్టోబరు 2019 (13:05 IST)
వేణు మాధవ్ కన్నుమూత టాలీవుడ్ ఇండస్ట్రీని శోకంలో ముంచింది. ఇంకా ఆయనతో వున్న జ్ఞాపకాలను పలువురు తారలు గుర్తు చేసుకుంటున్నారు. వారిలో సీనియర్ నటుడు కోట శ్రీనివాస రావు కూడా వున్నారు. 
 
వేణు మాధవ్ గురించి ఆయన చెపుతూ... ఓసారి వేణు మాధవ్, ముత్యాలు వస్తావా - అడిగింది ఇస్తావా అనే పాటకు అల్లు రామలింగయ్య గారిలా అనుకరిస్తూ చేసిన నటన చూసి నేను ఆశ్చర్యానికి గురయ్యాను. అచ్చం అల్లు రామలింగయ్యగారిలానే నటిస్తూ వేణు మాధవ్ అద్భుతంగా చేసి చూపించాడు. ఇంకా అతడిలో ఎన్నో విద్యలున్నాయి. 
 
ఓసారి నేను షూటింగ్ చేస్తున్న సమయంలో నాకు అర్జెంటురు 2 వేల రూపాయలు అవసరపడ్డాయి. డబ్బు కావాలని అడగ్గానే వెంటనే రెండు వేలు ఇచ్చాడు. ఆ తర్వాత ఆ డబ్బును వెనక్కి ఇవ్వబోతే తీసుకోలేదు. ఎన్నిసార్లు ప్రయత్నం చేసినా ఆ డబ్బును వేణు మాధవ్ తీసుకునేందుకు అంగీకరించలేదు. చివరికి... ఎందుకు డబ్బు తీసుకోవూ అని అడిగితే, ఓ మహా నటుడికి అప్పు ఇచ్చానని చెప్పుకుంటాని అని అన్నాడు వేణు మాధవ్" అంటూ ఆవేదన చెందారు కోట శ్రీనివాసరావు.

వెబ్దునియా పై చదవండి

తర్వాతి కథనం టైగర్ ష్రాఫ్ కంటే ఫర్హార్ అక్తర్‌తో తిరగడమే ఇష్టం : దిశా పటానీ