`ఉప్పెన`కు ముందే సినిమా ప్రారంభించిన వైష్ణవ్ తేజ్ తొలి చిత్రం `కొండ పొలం` విడుద‌ల‌కు సిద్ధ‌మైంది. క్రిష్ జాగర్లమూడి దర్శకత్వంలో రాజీవ్ రెడ్డి, సాయిబాబు ఈ చిత్రాన్ని నిర్మించారు. వైష్ణవ్ తేజ్ సరసన రకుల్ ప్రీత్ హీరోయిన్ గా నటించిన ఈ మూవీ టైటిల్ ను కొండ పొలంగా పెట్టారు. కొండ ప్రాంతంలో ఓ పొలంలో వైష్ణవ్ క‌నిపిస్తూ గేలం వేస్తున్న మోషన్ పోస్ట‌ర్‌ను శుక్ర‌వారంనాడు చిత్ర యూనిట్ విడుదల చేసింది.
ఇది సన్నపురెడ్డి వెంకట రామిరెడ్డి నవల ‘కొండ పొలం’ ఆధారంగా రూపుదిద్దుకుంది. వైష్ణవ్ తేజ్ కటారు రవీంద్ర యాదవ్ గా కనిపించబోతున్నాడు. శుక్రవారం ఫస్ట్ లుక్ పోస్టర్ ను హీరోయిన్ రకుల్ ప్రీత్ ట్విట్ చేసింది. తర్వాత చిత్ర దర్శకుడు క్రిష్ మరికొందరు సోషల్ మీడియాలో ఫస్ట్ లుక్ పోస్టర్ ను, మోషన్ మోషన్ ను రిలీజ్ చేశారు.
జ్ఞాన శేఖర్ సినిమాటోగ్రఫీని, ఎం.ఎం.కీరవాణి సంగీతాన్నిఅందిస్తున్న చిత్రాన్ని అక్టోబర్ 8న విడుదల చేస్తున్న‌ట్లు డేట్ ఫిక్స్ చేశారు. వైష్ణవ్ తేజ్ తొలి చిత్రం ‘ఉప్పెన’ సముద్రం నేపథ్యంలో తెరకెక్కగా, ఈ రెండో సినిమా ఫారెస్ట్ బ్యాక్ డ్రాప్ తో రూపుదిద్దుకోవడం విశేషం.
