బాక్సాఫీస్ వద్ద ''ఉప్పెన" మంచి కలెక్షన్లను రాబట్టింది. ఇక ఈ మూవీని వివిధ భాషల్లో రీమేక్ చేసేందుకు పోటీ మొదలైంది. తమిళంలో దలపతి విజయ్ కుమారుడు జాసోన్ సంజయ్‌తో ఈ మూవీని రీమేక్ చేసేందుకు విజయ్ సేతుపతి ప్లాన్‌లో ఉన్నట్లు సమాచారం. అలాగే హిందీలోనూ ఉప్పెన రీమేక్ కాబోతున్నట్లు టాక్.
అలాగే ఉప్పెన సినిమాతో టాలీవుడ్‌లో హాట్ టాపిక్‌గా మారాడు వైష్ణవ్ తేజ్. మెగా ఫ్యామిలీ నుంచి వచ్చినప్పటికీ.. మొదటి సినిమాతోనే తానేంటో నిరూపించుకున్నాడు ఈ హీరో. ఉప్పెనలో వైష్ణవ్ అదరగొట్టేయగా.. ఇప్పుడు ఈ హీరో కోసం పలువురు దర్శకులు కథలు రాస్తున్నట్లు తెలుస్తోంది. ఈ నేపథ్యంలో తాజా ఇంటర్వ్యూలో తన కలేంటో చెప్పుకొచ్చాడు.
తాను ఆర్మీకి వెళ్లాలనుకున్నానని, అయితే ఏదీ ఈజీ కాదు. ఇక్కడ నువ్వు ఇలా ఉండి, అక్కడ ఉండటం చాలా కష్టం ఆలోచించుకో అని అమ్మ చెప్పేదని వైష్ణవ్ చెప్పుకొచ్చారు. ఇక ఇప్పటికీ ఆ కోరిక తనలో ఉండిపోయిందని.. సమయం వచ్చి దేశానికి సేవ కావాలంటే మాత్రం తాను అన్నీ వదిలేసి ఆర్మీకి వెళ్లిపోతానని స్పష్టం చేశాడు.
