Select Your Language

Notifications

webdunia
webdunia
webdunia
webdunia
Advertiesment

ఆలస్యంగా వస్తే సూసైడ్ చేసుకుంటా... అన్నంత పని చేసిన టీవీ నటుడు భార్య

ఆలస్యంగా వస్తే సూసైడ్ చేసుకుంటా... అన్నంత పని చేసిన టీవీ నటుడు భార్య
, బుధవారం, 7 ఆగస్టు 2019 (09:18 IST)
షూటింగ్ నుంచి ఆలస్యంగా వస్తే ఆత్మహత్య చేసుకుంటానని బెదిరించిన ఓ టీవీ నటుడు భార్య... చివరకు అన్నంత పనిచేసింది. ఆ టీవీ నటుడు మధు ప్రకాష్. ఈయన భార్య పేరు భారతి (34). ఈ ఘటన హైదరాబాద్ నగరంలో జరిగింది. తాజాగా వెలుగులోకి వచ్చిన ఈ వివరాలను పరిశీలిస్తే, 
 
బుల్లితెర నటుడుగా ఉన్న మధుప్రకాశ్.. వివిధ సీరియల్స్ షూటింగ్స్ కారణంగా ఇంటికి ఆలస్యంగా వస్తుండేవాడు. దీంతో ఆయనకు భార్యకు మధ్య మనస్పర్థలు తలెత్తాయి. ఇదే అంశంపై వారిద్దరి మధ్య ఘర్షణ కూడా జరిగింది. అయితే ఆమె మాత్రం ఏమాత్రం వెనక్కి తగ్గకుండా షూటింగ్ నుంచి ఆలస్యంగా రావడానికి వీల్లేదంటూ హుకుం జారీ చేసింది. అయితే, మధుప్రకాష్ దాన్ని పెద్ద సీరియస్‌గా తీసుకోలేదు. 
 
ఈ క్రమంలో మంగళవారం భర్తకు వీడియో కాల్ చేసిన భారతి తాను ఉరివేసుకుంటున్నట్టు చెప్పి బెదిరించింది. మధుప్రకాశ్ దీనిని తేలిగ్గా తీసుకున్నాడు. షూటింగ్ ముగిశాక సాయంత్రం 7:30 గంటల ప్రాంతంలో ఆయన ఇంటికి వెళ్లాడు. బెడ్‌రూంకు లోపలి నుంచి గడియ పెట్టి ఉండడంతో భార్యను పిలిచాడు. 
 
అయినప్పటికీ లోపలి నుంచి స్పందన లేకపోవడంతో బలవంతంగా తలుపు తెరిచి చూసి నిర్ఘాంతపోయాడు. లోపల భార్య చీరతో సీలింగ్‌కు ఉరివేసుకుని కనిపించింది. దీంతో వెంటనే పోలీసులకు సమాచారం అందించాడు. కేసు నమోదు చేసుకున్న పోలీసులు దర్యాప్తు చేస్తున్నారు.
 
కాగా, ఈ దంపతులకు గత 2015లో వివాహమైంది. వీరిద్దరూ హైదరాబాద్ మణికొండలోని పంచవటి కాలనీలో నివశిస్తున్నారు. మధుప్రకాశ్ టీవీ నటుడు కాగా, భారతి ఓ ప్రైవేటు సంస్థలో పనిచేస్తున్నారు. షూటింగులలో బిజీగా ఉంటున్న మధుప్రకాశ్ ఇటీవల తరచూ ఇంటికి ఆలస్యంగా వస్తుండడంతో ఇద్దరి మధ్య గొడవలు మొదలయ్యాయి. సోమవారం కూడా ఇదే విషయమై గొడవ జరిగి, చివరకు అది విషాదంతో ముగిసింది. 

Share this Story:

Follow Webdunia telugu

తర్వాతి కథనం

హమ్మయ్య... వదిలాడురా బిగ్ బాస్... జాఫర్ అలా అనుకున్నాడా?