Publish Date: Tue, 02 Apr 2019 (19:23 IST)
Updated Date: Tue, 02 Apr 2019 (19:24 IST)
సూపర్స్టార్ మహేష్ బాబు, మాటల మాంత్రికుడు త్రివిక్రమ్ కాంబినేషన్లో రెండు సినిమాలు వచ్చాయి. ఇందులో మొదటిది అతడు. క్రైమ్ థ్రిల్లర్ స్టోరీగా వచ్చిన ఈ చిత్రం సూపర్ హిట్గా నిలిచింది. దీని తర్వాత ఖలేజా సినిమా వచ్చింది. యాక్షన్ ఎంటర్టైనర్గా వచ్చిన ఈ సినిమా బాక్సాఫీస్ వద్ద ఆశించిన స్థాయిలో వసూళ్లను రాబట్టలేకపోయింది, అయితే బుల్లితెరపై మాత్రం మంచి విజయాన్ని సొంతం చేసుకుంది.
ఖలేజా తరువాత ఈ ఇద్దరు కలిసి పనిచేయలేదు. త్రివిక్రమ్ అల్లు అర్జున్, పవన్ కళ్యాణ్, ఎన్టీఆర్తో సినిమాలు చేసాడు. ఇంతకాలం తర్వాత మళ్లీ త్రివిక్రమ్ మహేష్తో కలసి పనిచేయబోతున్నాడు. అయితే ఇది సినిమా కోసం కాదు.. ఓ యాడ్ ఫిలిం కోసమే.
ఓ యాప్కు సంబంధించి రూపొందించే యాడ్ చేయడానికి త్రివిక్రమ్కు అవకాశం వచ్చింది. మంచి డీల్ కావడంతో.. మహేష్తో యాడ్ చేసేందుకు వెంటనే ఓకే చెప్పేశారట. ప్రస్తుతం త్రివిక్రమ్ అల్లు అర్జున్ సినిమాతో బిజీగా ఉన్నాడు. ఆ పనికి రెండు రోజుల గ్యాప్ ఇచ్చి మరీ ఈ యాడ్ ఫిల్మ్ చేయబోతున్నారట. ఏప్రిల్ 10న ఈ యాడ్ షూట్ ఉంటుందని సమాచారం.
