లాస్ వేగాన్‌లో త్రిష పెళ్లి.. అదీ ప్రేమ పెళ్లే..!

బుధవారం, 25 మార్చి 2020 (18:15 IST)
మెగాస్టార్ సినిమాలో చెన్నై చంద్రం త్రిషకు ఛాన్స్ వచ్చిందని వార్తలు వచ్చినప్పటికీ ఆ తర్వాత ఆ ప్లేస్ లోకి కాజల్ వచ్చి చేరింది. ప్రస్తుతం త్రిష కనిపిస్తే చాలు.. పెళ్ళెప్పుడు అని అందరూ అడుగుతున్నారు. ప్రస్తుతం తాజాగా ఓ ఇంటర్వ్యూలో త్రిష తన పెళ్లి గురించి స్పందించింది. ''దక్షిణాదిన అన్ని భాషల్లోనూ నాకు గుర్తింపు ఉంది. ఏ భాష నుంచి అవకాశం వచ్చినా తప్పకుండా నటిస్తా'' అని త్రిష చెప్పుకొచ్చింది. 
 
ఇంకా ''నా పెళ్లి గురించి ఎప్పటికప్పుడు మీడియాలో వార్తలు వస్తూనే ఉంటాయి. నాకు తెలియకుండానే పెళ్లి గురించి, డేటింగ్ గురించి ప్రచారం జరిగిపోతూ ఉంటుంది. నేను ప్రేమ వివాహమే చేసుకుంటా. నాకు లాస్ వేగాస్ అంటే ఇష్టం. అక్కడే పెళ్లి చేసుకుంటా'' అని త్రిష చెప్పింది. కానీ తాను ప్రేమించే వ్యక్తి గురించి మాత్రం త్రిష నోరు విప్పలేదు. త్రిష వ్యవహారం చూస్తుంటే త్వరలోనే ఆమె పెళ్లి కూతురు కాబోతోందని కోలీవుడ్ వర్గాల సమాచారం. 

వెబ్దునియా పై చదవండి

తర్వాతి కథనం కరోనా- మగాళ్లు ఇంటి నుంచి పరుగో పరుగు.. ఎందుకు?