వకీల్ సాబ్ నిర్మాత దిల్ రాజుకి కరోనా పాజిటివ్ నిర్థారణ అయ్యింది. దీనితో ఆయన హోం క్వారెంటైన్లోకి వెళ్లిపోయారు. ఏప్రిల్ 9న వకీల్ సాబ్ రిలీజై విజయవంతంగా ముందుకు దూసుకువెళుతోంది. ఈ నేపధ్యంలో నిర్మాత దిల్ రాజు యూనిట్ సభ్యులతో కలసి ప్రమోషన్ కార్యక్రమాల్లో విరివిగా పాల్గొన్నారు. ప్రేక్షకులతో కలిసి తన ఆనందాన్ని పంచుకున్నారు. థియేటర్లలో ఆడియెన్సుతో కలిసి షోలు కూడా చూశారు.
కాగా ఇప్పటికే చిత్రంలో నటించిన హీరోయిన్ నివేదా థామస్ కరోనావైరస్ బారిన పడి కోలుకున్నారు. నెగటివ్ అని తేలడంతో ఆమె ప్రమోషన్సులో పాల్గొన్నారు. మరోవైపు యూనిట్ సభ్యుల్లో కొందరికి కరోనా వుందని తెలియడంతో పవర్ స్టార్ పవన్ కళ్యాణ్ సైతం హోం క్వారెంటైన్లోకి వెళ్లిపోయారు.
మొత్తమ్మీద సక్సెస్ ఇచ్చిన వకీల్ సాబ్ ను కరోనావైరస్ వెంటాడుతోంది. కాగా తనను ఇటీవలి కలిసినవాళ్లంతా వెంటనే కోవిడ్ పరీక్షలు చేయించుకోవాలని దిల్ రాజు కోరారు.
