Select Your Language

Notifications

webdunia
webdunia
webdunia
webdunia

#నటి అర్చన పెళ్లి- అట్టహాసంగా రిసెప్షన్.. హాజరైన సెలెబ్రిటీలు

Advertiesment
Tollywoodm Celebrities
, గురువారం, 14 నవంబరు 2019 (12:34 IST)
బిగ్ బాస్ ఫేమ్ అర్చ‌న వివాహం హెల్త్‌కేర్‌ సంస్థ వైస్‌ ప్రెసిడెంట్‌ జగదీశ్‌తో అట్టహాసంగా జ‌రిగింది. వీరి పెళ్ళి వేడుక‌లో ప‌లువురు సినీ సెల‌బ్రిటీలు సంద‌డి చేశారు. పెళ్ళికి కొద్ది గంటల ముందు రిసెప్షన్ వేడుక నిర్వ‌హించారు. గచ్చిబౌలిలోని కొల్లమాధవరెడ్డి గార్డెన్‌లో అర్చ‌న వివాహం జ‌రిగింది. 
 
అక్టోబ‌ర్ 3న హైదరాబాద్ బంజారాహిల్స్‌లోని రాడిసన్ బ్లూ హోటల్‌లో అర్చ‌న జగదీశ్‌తో నిశ్చితార్ధం జ‌రుపుకున్న సంగ‌తి తెలిసిందే. తెలుగు, తమిళం, కన్నడ, మలయాళ భాషల్లో కలిపి సుమారుగా 40 సినిమాల్లో న‌టించిన అర్చ‌న చివ‌రిగా ‘వజ్ర కవచధర గోవింద’ చిత్రంతో ప్రేక్ష‌కుల ముందుకు వ‌చ్చింది.
 
అంతకుముందు జరిగిన సంగీత్ కార్యక్రమాన్ని ఆటపాటల నడుమ సందడిగా నిర్వహించారు. వధూవరులు అర్చన, జగదీష్ సినిమా పాటలకు స్టెప్పులేస్తూ కార్యక్రమాన్ని హుషారెత్తించారు. అర్చన స్నేహితులైన శివబాలాజీ-మధుమిత దంపతులు కూడా ఈ కార్యక్రమంలో వధువరులతో పాటు ఆడిపాడారు. ఎంతో ఘనంగా జరిగిన ఈ సంగీత్ కార్యక్రమంలో అర్చన, జగదీష్ తల్లిదండ్రులు, బంధువులు, స్నేహితులు కూడా పాల్గొని సందడి చేశారు.

Share this Story:

Follow Webdunia telugu

తర్వాతి కథనం

రాములో రాముల సాంగ్ మిస్.. అయినా రాహుల్‌కు సూపర్ ఛాన్స్