సంక్రాంతి సంబరంలో విడుదలైన చిత్రాల్లో హనుమాన్, గుంటూరు కారం, సైంధవ్. ఏదో చిన్న చిత్రంగా విడుదలైన హనుమాన్ చిత్రం సూపర్ డూపర్ హిట్ టాక్‌తో దూసుకువెళుతోంది. బుక్ మై షోలో ఈ చిత్రం కోసం టిక్కెట్లు బుక్ చేద్దామంటే 15వ తేదీ వరకూ ఫుల్ అని కనబడుతున్నాయి. అదే సమయంలో గుంటూరు కారం ఓ మోస్తరుగా ఫుల్ అవుతుంటే, సైంధవ్ చిత్రానికి అసలు స్పందనే కరవవుతోంది.
మొత్తమ్మీద చూస్తే బుక్ మై షోలో హనుమాన్ చిత్రం కోసం గంటకు 25 వేల టిక్కెట్లు అమ్ముడవుతుంటే గుంటూరు కారం చిత్రానికి 10 వేలు చేరుకోవడమే గగనంగా మారింది. హనుమాన్ తొలిరోజు కలెక్షన్లు రూ. 22 కోట్లుకి చేరింది. మరో మూడు రోజుల పాటు హనుమాన్ చిత్రం టిక్కెట్లు దొరికే పరిస్థితి కనిపించడం లేదంటే ఆ చిత్రానికి ప్రేక్షకులు బ్రహ్మరథం పట్టేశారని అర్థమవుతుంది.
చిన్న చిత్రంగా విడుదలైన హనుమాన్ పెద్దచిత్రంగా సంక్రాంతి పండుగనాడు సందడి చేస్తోంది. ఈ చిత్రంలో నటించిన తేజ సజ్జా ఫుల్ జోష్‌లో వున్నారు. చిత్ర దర్శకుడు ప్రశాంత్ వర్మ విజువలైజేషన్, నేరేషన్ గురించి ప్రశంసల జల్లు కురుస్తోంది.
