Select Your Language

Notifications

webdunia
webdunia
webdunia
webdunia

పావు శాతం కాలేయంతో జీవిస్తున్న బాలీవుడ్ సూపర్ స్టార్

పావు శాతం కాలేయంతో జీవిస్తున్న బాలీవుడ్ సూపర్ స్టార్
, బుధవారం, 21 ఆగస్టు 2019 (16:34 IST)
బాలీవుడ్ సూపర్ స్టార్ అమితాబ్ బచ్చన్ ఓ సంచలన విషయాన్ని బయటపెట్టారు. ఇది ఆయన ఆరోగ్యానికి సంబంధించిన విషయం. తాను 25 శాతం కాలేయంతోనే జీవిస్తున్నట్టు ఆయన చెప్పుకొచ్చారు. తాజాగా బిగ్ బీ స్వస్థ్ ఇండియా అనే కార్యక్రమంలో ఆయన పాల్గొని ఈ విషయాన్ని వెల్లడించారు. 
 
'ఒకప్పుడు నాకు క్షయ(టీబీ), హెపటైటిస్‌ బీ వ్యాధులు ఉండేవి. అయితే నాకు ఈ వ్యాధులు సోకినట్లు దాదాపు ఎనిమిదేళ్ల పాటు నేను గుర్తించలేకపోయాను. హెపటైటిస్‌ వల్ల అప్పటికే నా కాలేయం 75 శాతం పాడైంది. తరచుగా వైద్య పరీక్షలు చేయించుకోకపోవడం వల్ల ఇలా జరిగింది. 
 
ప్రస్తుతం నేను 25 శాతం కాలేయంతోనే జీవిస్తున్నాను. టీబీకి చికిత్స ఉంది. కానీ ముందుగా గుర్తించకపోవడం వల్ల నేను చాలా ఇబ్బందులు ఎదుర్కొన్నాను. తరచుగా వైద్య పరీక్షలు చేయించుకుంటుంటే.. ఇలాంటి వ్యాధుల్ని ముందుగానే పసిగట్టవచ్చు. తగిన చికిత్స తీసుకోవచ్చు' అని చెప్పుకొచ్చారు. 
 
ఇకపోతే, 'నాలా మరొకరు ఇబ్బంది పడకూడదనే ఉద్దేశంతోనే ఇప్పుడీ విషయాల గురించి వెల్లడించాను. అంతేకానీ, నేనోదో గొప్పకు చెప్పుకుంటానని మాత్రం భావించవద్దు. ప్రతి ఒక్కరు తరచుగా ఆరోగ్య పరీక్షలు చేయించుకోవాలి. ఫలితంగా వ్యాధిని ప్రాథమిక దశలోనే గుర్తించి సులభంగా నివారించవచ్చు' అని వెల్లడించారు. 

Share this Story:

Follow Webdunia telugu

తర్వాతి కథనం

ఆయ‌న‌కు నేను ఎప్ప‌టికీ రుణ‌ప‌డి ఉంటాను - "సైరా" టీజ‌ర్ వేడుక‌లో చిరంజీవి