బాలీవుడ్ చిత్రాలను వెనక్కినెట్టిన 'గీత గోవిందం'

విజయ్ దేవరకొండ - రష్మిక మందన్న జంటగా నటించిన చిత్రం "గీత గోవిందం". ఈ చిత్రం ఇటీవల విడుదలై బాక్సాఫీస్ వద్ద సూపర్ హిట్ టాక్‌ను సొంతం చేసుకుంది. పరశురామ్ దర్శకత్వం వహించిన ఈ చిత్రాన్ని గీతా ఆర్ట్స్ 2 బ్య

విజయ్ దేవరకొండ - రష్మిక మందన్న జంటగా నటించిన చిత్రం "గీత గోవిందం". ఈ చిత్రం ఇటీవల విడుదలై బాక్సాఫీస్ వద్ద సూపర్ హిట్ టాక్‌ను సొంతం చేసుకుంది. పరశురామ్ దర్శకత్వం వహించిన ఈ చిత్రాన్ని గీతా ఆర్ట్స్ 2 బ్యానర్‌పై బన్నీ వాసు నిర్మించాడు. ఈ చిత్రానికి ప్రముఖ నిర్మాత అల్లు అరవింద్ సమర్పకుడు.

అయితే, ఈ చిత్రం కలెక్షన్లపరంగా దూసుకెళుతున్నట్టు ప్రముఖ బాలీవుడ్ సినీ విశ్లేషకుడు తరణ్ ఆదర్శ్ తన ట్విట్టర్ ఖాతాలో వెల్లడించారు. 'గీత గోవిందం' ఓవర్సీస్‌లో బాలీవుడ్ హీరో అక్షయ్‌ కుమార్ నటించిన చిత్రం "గోల్డ్‌"తోపాటు మరో చిత్రం "సత్యమేవ జయతే" చిత్రాల కలెక్షన్లను బీట్ చేసిందని చెప్పారు. 

ముఖ్యంగా, ఆస్ట్రేలియాలో 'గోల్డ్', 'సత్యమేవ జయతే' చిత్రాలు 192,306 డాలర్లు (రూ.కోటి 34 లక్షలకుపైగా) రాబట్టగా.. తెలుగు సినిమా 'గీత గోవిందం' వాటిని అధిగమిస్తూ 202,266(కోటి 40 లక్షలకుపైగా)డాలర్లు వసూలు చేసిందని తరణ్ ఆదర్శ్ తన ట్వీట్‌లో పేర్కొన్నారు. గీత గోవిందం యూఎస్‌లో 1.5 మిలియన్లు వసూలు చేసినట్లు తెలిపారు.