మెగాస్టార్ చిరంజీవి డ్రీమ్ ప్రాజెక్ట్ సైరా న‌ర‌సింహారెడ్డి. ఈ చిత్రానికి స్టైలీష్ డైరెక్టర్ సురేంద‌ర్ రెడ్డి ద‌ర్శ‌క‌త్వం వ‌హించారు. కొణిదెల ప్రొడ‌క్ష‌న్ కంపెనీ బ్యాన‌ర్ పైన రామ్ చ‌ర‌ణ్ అత్యంత ప్ర‌తిష్టాత్మ‌కంగా నిర్మించారు. ఇప్పటికే షూటింగ్ పూర్తిచేసుకుని ప్రస్తుతం నిర్మాణాంతర కార్యక్రమాలు శ‌ర‌వేగంగా జరుపుకుంటోంది.
ఇటీవల రిలీజ్ అయిన ఈ సినిమా టీజర్ తరువాత సినిమాపై టాలీవుడ్ ప్రేక్షకుల్లో మంచి అంచనాలు ఏర్పడ్డాయి.తొలితరం రేనాటి స్వాతంత్రోద్యమ వీరుడు ఉయ్యాలవాడ నరసింహారెడ్డిగా మెగాస్టార్ నటిస్తున్న ఈ సినిమాలో ఆయన సరసన నయనతార హీరోయిన్‌గా నటిస్తున్నారు.
ఇక ఈ సినిమా ప్రీ రిలీజ్ ఈవెంట్‌ని క‌ర్నూలులో చేయాలి అనుకున్న‌ప్ప‌టికీ... లాస్ట్ మినిట్లో వేదిక హైద‌రాబాద్‌కి మారింది. ఈ నెల 18వ తేదీన హైదరాబాద్ లోని లాల్ బహదూర్ స్టేడియంలో గ్రాండ్‌గా నిర్వహిస్తున్నట్లు సినిమా యూనిట్ ఒక ప్రకటన విడుదల చేయడం జరిగింది.
ఈ వేడుకకి పవర్ స్టార్ పవన్ కళ్యాణ్, దర్శక ధీరుడు ఎస్ ఎస్ రాజమౌళి, సూపర్ డైరెక్టర్ కొరటాల శివ, సెన్సషనల్ డైరెక్టర్ వి వి.వి. వినాయక్ అతిధులుగా రానున్నారు. బాలీవుడ్ నటుడు అమితాబ్ బచ్చన్, కిచ్చ సుదీప్, విజయ్ సేతుపతి, రవికిషన్, జగపతి బాబు తదితర దిగ్గజ నటులు ఇతర ముఖ్యపాత్రల్లో నటిస్తున్న విష‌యం తెలిసిందే. ఈ ఈ సినిమాను గాంధీ జయంతి కానుకగా అక్టోబర్ 2న వరల్డ్ వైడ్‌గా రిలీజ్ చేయనున్నారు. మ‌రి.. మెగాస్టార్ సైరాతో ఎలాంటి సెన్సేష‌న్ క్రియేట్ చేస్తారో చూడాలి.
