ఉయ్యాలవాడ నరసింహారెడ్డి వర్ధంతి సందర్భంగా ''సైరా'' టీమ్ ఆయన ఫోటోను విడుదల చేసింది. మెగాస్టార్ చిరంజీవి హీరోగా సురేందర్ రెడ్డి దర్శకత్వంలో సైరా బయోపిక్ తెరకెక్కుతోంది. ఈ చిత్రంలో బాలీవుడ్ బిగ్ బి అమితాబ్ బచ్చన్, కోలీవుడ్ హీరో విజయ్ సేతుపతి, నయనతార, తమన్నా తదితరులు నటిస్తున్నారు.
ఇప్పటికే సైరా చిత్రీకరణ దాదాపు పూర్తి కావొచ్చింది. కీలక ఘట్టాలను తెరకెక్కించారు. ప్రస్తుతం క్లైమాక్స్‌పై చిత్ర బృందం దృష్టి పెట్టిందంటూ దర్శకుడు ట్వీట్ చేశారు. సైరా రియల్ హీరోకు తమ సెల్యూట్ అంటూ కామెంట్ చేశారు. అలాగే ఆయన ఫోటోను కూడా జతచేశారు.
ప్రస్తుతం వీఎఫ్‌ఎక్స్‌ పనులు జరుగుతున్నాయి. సినిమాను అత్యున్నతంగా తీర్చిదిద్దాలని నిర్మాత రామ్‌చరణ్‌ చిత్ర బృందానికి సూచించారట. దీంతో ఈ సినిమాను ఆగస్టు నాటికి విడుదల చేసేందుకు సన్నాహాలు చేస్తున్నారు. తాజాగా సైరా రియల్ ఫోటోను ఓ లుక్కేయండి.
