టాలీవుడ్ హీరోయిన్ సమంత తాజా సినిమా ఓ బేబీ సినిమా మంచి విజయం సాధించింది. లేడీ డైరక్టర్ నందినిరెడ్డి రూపొందించిన ఓ బేబీ సినిమా ప్రస్తుతం రీ-రిలీజ్ అవుతోంది. సమంత మెయిన్ లీడ్‌గా నటించిన ఈ చిత్రంలో నాగశౌర్య, తేజ సజ్జ, లక్ష్మి, రాజేంద్రపసాద్‌ కీలక పాత్రల్లో నటించారు.
ఈ చిత్రాన్ని సురేష్‌ ప్రొడక్షన్స్, పీపుల్‌ మీడియా ఫ్యాక్టరీ, గురు ఫిల్మ్స్, క్రాస్‌ పిక్చర్స్ సంయుక్తంగా నిర్మించాయి. 2019 జులై 5న ఈ చిత్రం విడుదలై మెప్పించింది. ఈ సినిమా రూ.40 కోట్ల వరకు కలెక్షన్ల వర్షం కురిపించింది.
ఇక ఇప్పుడు ఈ చిత్రం మరోసారి రిలీజ్ కాబోతుంది. ఇటీవల కాలంలో సినిమాల రీ రిలీజ్ ట్రెండ్‌ ఊపందుకున్న నేపథ్యంలో `ఓ బేబీ` మరోసారి థియేటర్లోకి రాబోతుంది.
మహిళా దినోత్సవం సందర్భంగా ఈ సినిమాని రీరిలీజ్‌ చేయబోతుంది పీవీఆర్‌ సినిమా. కేవలం పీవీఆర్‌, ఐనాక్స్ థియేటర్లలోనే ఈ సినిమాని ప్రత్యేకంగా ప్రదర్శించబోతున్నారు.
