తెలుగు బిగ్ బాస్ సీజన్-5 కి రంగం సిద్ధం అవుతోంది. ఇటీవల ఈ సీజన్ లోగో ఆవిష్కరించారు. వచ్చే నెలలో సీజన్ 5 ను మొదలు పెట్టడం ఖాయం. అన్నపూర్ణ ఏడెకరాలలో బిగ్ బాస్ సీజన్ 5 సెట్ నిర్మాణం కూడా జరుగుతోంది.
ఇక మరో వైపు పోటీదారులతో చర్చలు జరుగుతున్నాయి. ఈ నెలాఖరుకు ఫైనల్ లిస్ట్ ఎంపిక పూర్తవుతుంది. ఇప్పటి వరకూ జరిగిన నాలుగు సీజన్‌లో సీనియర్ నటీనటులని హౌస్ లోకి పంపిస్తూ వస్తున్నారు.
గతంలో హేమ.. కరాటే కళ్యాణి వంటి వారు అలా హౌస్‌లోకి వెళ్ళారు. ఈ సీజన్ లో సీనియర్ నటి సురేఖ వాణి అలా వెళుతుందనే వార్తలు లీక్ అయ్యాయి. గత సీజన్స్‌లో కూడా సురేఖావాణి ఎంట్రీపై ఫీలర్స్ వచ్చినా అమె ఖండిచటం జరిగింది.
ఆమె బిగ్‌బాస్‌పై అంత ఆసక్తి కూడా చూపించలేదు. అయితే సీజన్ 5 కు ఓకే చెప్పిందని గట్టిగా వినిపించటంతో సోషల్ మీడియాలో తాను బిగ్ బాస్ కు వెళ్లబోతున్నట్లుగా వస్తున్న వార్తలు నిజం కాదని తేల్చి చెప్పింది.
అవి ఫేక్ న్యూస్ అనేసింది. దీంతో ఇక ఈ సీజన్ లోనూ సురేఖ బిగ్ బాస్ లో ఉండదని అనుకున్నారు. తాజాగా సోషల్ మీడియాలో ఫేక్ అంటూ తను పోస్ట్ చేసిన స్టోరీని డిలీట్ చేయడంతో ఈ సారి అమ్మడు ఎంట్రీ కన్ఫామ్ అంటున్నారు.
మొదట బిగ్ బాస్ టీమ్‌తో జరిపిన చర్చలు ఫలించలేదట. అందుకే బిగ్ బాస్ వార్తలు ఫేక్ అని పోస్ట్ చేసింది సురేఖ. ఆ తర్వాత చర్చలు సఫలం కావడం వల్ల ఎంట్రీ కి ఓకే చెప్పిన సురేఖావాణి ఫేక్ అంటూ పెట్టిన పోస్ట్ డిలీట్ చేసి ఉంటుందనే కామెంట్స్ వినిపిస్తున్నాయి.
