హీరో నితిన్‌కు హీరోయిన్ రాశిఖన్నాకు పెళ్లి...
హీరో నితిన్‌కు హీరోయిన్ రాశిఖన్నాకు పెళ్లి జరిగింది. పెళ్లి అంటే నిజమైన పెళ్లి కాదండోయ్... సినిమాలో పెళ్లి. వీరిద్దరి కాంబినేషన్‌లో ప్రముఖ నిర్మాత దిల్ రాజు "శ్రీనివాస కళ్యాణం" అనే చిత్రాన్ని నిర్మిం
హీరో నితిన్‌కు హీరోయిన్ రాశిఖన్నాకు పెళ్లి జరిగింది. పెళ్లి అంటే నిజమైన పెళ్లి కాదండోయ్... సినిమాలో పెళ్లి. వీరిద్దరి కాంబినేషన్‌లో ప్రముఖ నిర్మాత దిల్ రాజు "శ్రీనివాస కళ్యాణం" అనే చిత్రాన్ని నిర్మించనున్నారు. ఈ చిత్రం కోసం వీరిద్దరూ అచ్చం పెళ్లి సీన్లో నటించారు. ప్రస్తుతం దీనికి సంబంధించిన ఫోటోలు, వీడియో ఒకటి వైరల్‌గా మారింది. ఆ వివరాలను పరిశీలిద్ధాం.
హీరో నితన్‌తో నిర్మాత 'దిల్' రాజు చాలాకాలం తర్వాత తెరకెక్కిస్తున్న చిత్రం "శ్రీనివాస కళ్యాణం". ఇందులో నితిన్ సరసన ముద్దుగుమ్మ రాశిఖన్నా హీరోయిన్‌గా నటిస్తోంది. 'శతమానం భవతి' వంటి ఫ్యామిలీ ఎంటర్‌టైనర్ తర్వాత సతీష్ వేగేశ్న దర్శకత్వంలో వస్తున్న సినిమా ఇది.
ఫ్యామిలీ ఆడియన్స్ టార్గెట్‌గా తెరకెక్కనున్న ఈ సినిమా షూటింగ్‌ ఆదివారం ప్రారంభమైంది. ఈ సందర్బంగా టైటిల్ లోగోతో పాటుగా పెళ్లి పీటలపై నితిన్, రాశిఖన్నా పెళ్లి సన్నివేశంతో కూడిన వీడియోను రిలీజ్ చేశారు. నితిన్, రాశిఖన్నా పెళ్లి జరుగుతుండగా 'శ్రీ శ్రీనివాసుడి కళ్యాణం..' అంటూ వస్తున్న బ్యాక్‌గ్రౌండ్ స్కోర్ ఆకట్టుకుంటోంది.
ఈ సీన్‌ను అచ్చం పెళ్లిలాగా నిర్వహించడానికి ప్రత్యేక కారణం లేకపోలేదు. మార్చి 4వ తేదీ ఆదివారం దేశ వ్యాప్తంగా లక్షల సంఖ్యలో పెళ్లిళ్ళు జరుగుతున్నాయి. దీంతో అచ్చం నిజం పెళ్లిలాగే ఈ సీన్‌ను చిత్రీకరించారు. దీంతో నిజంగానే నితిన్-రాశిఖన్నాలకు వివాహమైందా అనే కామెంట్స్‌ను నెటిజన్లు చేస్తున్నారు.
