బుల్లితెరపై అల్లరి చేసే శ్రీముఖి గురించి ప్రత్యేకంగా చెప్పాల్సిన అవసరం లేదు. శ్రీముఖి బుల్లితెరపై కాకుండా సినిమాల్లో నటిస్తూ యూత్‌కి విపరీతంగా నచ్చేసింది. బుల్లితెరకి మరింత గ్లామర్ తీసుకొచ్చిన యాంకర్స్‌లో ఈమె కూడా చేరిపోయింది.
ఈ నేపథ్యంలో శ్రీముఖి పటాస్ షోను ఓ రేంజ్‌కి తీసుకెళ్లింది. శ్రీముఖి కోసమే ఈ షో చూసేవాళ్లు వున్నారనడంలో ఎంతమాత్రం అతిశయోక్తి లేదు. అలాంటి శ్రీముఖి ఈ షో నుంచి కొంతకాలం పాటు బ్రేక్ తీసుకుంటున్నట్టు ప్రకటించిందట.
ఇలా వున్నట్టుండి పటాస్ షోకు బ్రేక్ చెప్పడం వెనుక కారణం ఏమైనా వుందా అనే దానిపై అభిమానులు ఆరా తీస్తున్నారు. అలా ఆరా తీయడంతో అసలు విషయం బయటపడింది.
'బిగ్ బాస్-3' సీజన్‌లో పాల్గొనే అవకాశం శ్రీముఖికి వచ్చిందట. ఆ షోలో పాల్గొనడం కోసమే ఆమె బ్రేక్ తీసుకుందనేది తాజా సమాచారం. అక్కినేని నాగార్జున వ్యాఖ్యాతగా వ్యవహరించనున్న ఈ షో జూలై రెండో వారంలో ప్రారంభం కానుందని సమాచారం.
