సూపర్‌స్టార్ మహేష్‌బాబు అనుకున్నది సాధించాడు. ఈసారి గట్టిగా కొడతానని కాలర్ ఎగరేసి మరి చెప్పిన మహేష్ అన్నంత పని చేసాడు. మహర్షి సినిమా విడుదలైన మొదటివారంలో భారీ వసూళ్లను అందుకుంది. తొలివారం ముగిసేసరికి ఆ సినిమా ప్రపంచవ్యాప్తంగా డబ్బై ఐదు కోట్ల రూపాయల వసూళ్లను కొల్లగొట్టింది.
మొదటివారం వసూళ్లపరంగా ఇప్పటి వరకు టాప్ ర్యాంక్‌లు ఒక్కసారి చూసుకుంటే ఆల్‌టైం లిస్ట్‌లో మహర్షి నాలుగో స్థానంలో ఉంది. మొదటి మూడు స్థానాల్లో బాహుబలి రెండు భాగాలు, రంగస్థలం, ఖైదీ నెంబర్ 150 సినిమాలు నిలిచాయి. ఈ చిత్రాలన్నీ మొదటివారంలో డెబ్బై ఐదు కోట్ల రూపాయలు వసూళ్లను రాబట్టాయి.
మహేష్ బాబు కెరియర్‌లో మాత్రం ఫస్ట్ వీక్ కలెక్షన్‌లలో మహర్షి చిత్రం నెంబర్ వన్ సినిమాగా నిలిచింది. మహేష్ బాబు 25వ సినిమాగా తెరకెక్కిన మహర్షి నైజాంలో 21 కోట్లు రాబట్టగలిగింది. మహేష్ గత చిత్రాలు శ్రీమంతుడు, భరత్ అను నేను సినిమాలు కూడా నైజాంలో 20 కోట్లను కొల్లగొట్టాయి. ఇక ఓవర్సీస్‌లో మాత్రం కలెక్షన్‌లు కొంచెం తగ్గాయనే చెప్పాలి. లేదంటే మహర్షి బాహుబలి సినిమాల తర్వాతి ప్లేస్‌లో ఉండేది.
