జబర్దస్త్ స్టార్ సుధీర్ ప్రస్తుతం శ్రీదేవి డ్రామా కంపెనీ అనే కార్యక్రమానికి యాంకర్‌గా వ్యవహరిస్తున్నాడు. బుల్లితెరపై సందడి చేస్తూనే సినిమాలు కూడా చేస్తున్నాడు. అయితే శ్రీదేవి డ్రామా కంపెనీ కార్యక్రమంలో పాల్గొన్న స్టార్ హీరోయిన్ సుడిగాలి సుధీర్‌ను అవమానించిందని జోరుగా వార్తలు వస్తున్నాయి.
తాజాగా శ్రీదేవి డ్రామా కంపెనీ కార్యక్రమం ఎపిసోడ్ ప్రోమో రిలీజైంది. ఈ ప్రోమోలో భాగంగా ఈ కార్యక్రమానికి సీనియర్ హీరోయిన్ మహేశ్వరి ముఖ్యఅతిథిగా పాల్గొన్నారు. ఈ సందర్భంగా ఆమెను సుధీర్ సాదరంగా స్వాగతించాడు. ఆమెకు షేక్ హ్యాండ్ ఇచ్చాడు. అయితే ఆమె రెండు చేతులు జోడించి నమస్కారం పెట్టింది.
వెంటనే సుధీర్ నేను హలో అంటే మీరు నమస్తే అంటారేంటి అని అడగటం.. వెంటనే మహేశ్వరి నేను నీతో చేయి కలిపితే నువ్వు పులిహోర కలుపుతావని కౌంటరిచ్చింది. అనంతరం సుధీర్ మాట్లాడుతూ.. మేడమ్ నన్ను ఎక్కడ వుండమంటారు అని అడిగాడు. వెంటనే మహేశ్వరి నాకు మాత్రం దూరంగా వుండు అంటూ సెటైర్ విసిరింది. ఇలా సుధీర్‌పై మహేశ్వరి వేసిన పంచ్‌లకు అంతా నవ్వుకున్నారు. ఈ ప్రోమో ప్రస్తుతం నెట్టింట వైరల్ అవుతోంది.
