కరోనా కాలంలో స్టార్ విలన్ సోనూ సూద్ హీరో అయ్యాడు. సాయం కోసం తన వద్దకు వచ్చిన వారికి అండగా నిలుస్తున్నాడు. ఫలితంగా కలియుగ కర్ణుడు అనే పేరును సంపాదించాడు. వేలాది కార్మికులకు అండగా నిలిచిన సోనూ పేద ప్రజల కోసం సేవలను కొనసాగిస్తూనే వున్నారు. ప్రస్తుతం తెలుగులో మెగాస్టార్ చిరంజీవి "ఆచార్య" షూటింగ్‌లో సోనూ సూద్ బిజీగా ఉన్నాడు.
ఈ సినిమా చిత్రీకరణ ప్రస్తుతం హైదరాబాద్‌లో జరుగుతోంది. ఈ క్రమంలో సోనూసూద్‌ హైదరాబాద్ వచ్చాడని తెలుసుకున్న ఓ కుటుంబం ఆయనను కలవడానికి ఖమ్మం నుంచి సిటీకి వచ్చారు.
ఇద్దరు పిల్లలతో కలిసి ఓ జంట తాజాగా షూటింగ్‌ జరిగే సెట్‌ వద్దకు వెళ్లి రియల్‌ హీరోను కలిశారు. తనను కలవడానికి ఓ ఫ్యామిలీ వచ్చిందని తెలుసుకున్న హీరో వారిని కలిశాడు. అంతేగాకుండా.. వారి కుటుంబంలోని ఐదు నెలల చిన్నారిని ఆడించాడు.
ఆ ఐదు నెలల చిన్నారికి సోనాలి సూద్ అని పేరు పెట్టినట్లు సమాచారం. ఇది సోనూసూద్‌ భార్య పేరు. దీంతో సంబరపడిపోయిన సోనూ వారితో సెల్ఫీలు తీసుకున్నాడు. ప్రస్తుతం సోనూ ఆ ఫ్యామిలీతో దిగిన ఫోటోలు నెట్టింట వైరల్ అవుతున్నాయి.
